10:13, 27 - تامىز 2020 | GMT +6
كەدەنشىلەر تاركىلەگەن 23 مىڭ ماسكا الماتى وبلىسىنىڭ اكىمدىگىنە بەرىلدى
تالدىقورعان. قازاقپارات - الماتى وبلىسىندا زاڭسىز ساۋدادان الىنعان مەديتسينالىق زاتتار دەنساۋلىق ساقتاۋ باسقارماسىنا بەرىلدى، دەپ حابارلايدى قازاقپارات ءتىلشىسى.
«الماتى وبلىسىنىڭ دەنساۋلىق ساقتاۋ باسقارماسىنا جالپى سالماعى 109 كەلى بولاتىن 23560 دانا مەديتسينالىق ماسكا، 24 دانا ديستانتسيالىق تەرمومەتر جانە 20 دانا قورعانىش كوستيۋمى سىندى جەكە قورعانىش قۇرالدارى تاپسىرىلدى»، - دەدى الماتى وبلىسى بويىنشا مەملەكەتتىك كىرىستەر دەپارتامەنتىنەن.
ءمالىم ەتىلگەندەي، دەپارتامەنتتىڭ كەدەن قىزمەتكەرلەرى ق ح ر- دان ە ا ە و اۋماعىنا زاڭسىز اكەلىنبەك بولعان اتالعان مەديتسينالىق قۇرالداردى كەدەندىك باقىلاۋ بارىسىندا انىقتاعان.