تالدىقورعاندا 23 جاستاعى جۇكتى ايەلدەن كوروناۆيرۋس انىقتالدى

تالدىقورعان. قازاقپارات - الماتى وبلىسىندا COVID-19 ينفەكسياسى تاعى 8 ادامنان انىقتالدى. ونىڭ 5 ەۋى - تالدىقورعان قالاسىندا، 3 ەۋى الاكولدە تىركەلدى، - دەپ حابارلايدى قازاقپارات ءتىلشىسى.

الماتى وبلىسى اكىمىنىڭ باسپا ءسوز قىزمەتىنىڭ مالىمەتىنشە، 2007، 1981، 1981، 1993، 2018، 2016، 1990 -جىلعى ازاماتتار بۇرىن كوروناۆيرۋس ينفەكسياسىمەن اۋىرعان اداممەن بايلانىستا بولعان، ال 1997 -جىلعى جۇكتى ايەلدىڭ ناۋقاسى پروفيلاكتيكالىق تەكسەرۋدەن ءوتۋ بارىسىندا بەلگىلى بولعان. تالدىقورعاندىق ايەل جۇكتىلىكتىڭ 29-اپتاسىندا.

ناۋقاستاردىڭ بارلىعى وسىعان دەيىن وقشاۋلانىپ، قازىرگى ۋاقىتتا جۇقپالى اۋرۋلار بولىمىنە اۋىستىرىلدى. ەپيدەميولوگيالىق تەكسەرۋ جۇمىستارى ءجۇرىپ جاتىر.

جالپى، الماتى وبلىسىندا كوروناۆيرۋس ينفەكسياسىن جۇقتىرعان جالپى 361 ادام تىركەلگەن، ونىڭ 182 سى تولىقتاي ەمدەلىپ شىقتى.

ال 14-مامىردا العاش كوروناۆيرۋس تىركەلگەن تالدىقورعان قالاسىندا ىندەتتى جۇقتىرعاندار سانى 83 ادامعا جەتتى.