الەمنىڭ 23 ەلىندە جۇرگەن قازاقستاندىقتار ەلگە ورالۋعا نيەت ءبىلدىردى – ق ر س ءى م
«COVID-19 كوروناۆيرۋس ىندەتىنىڭ ورشۋىنە بايلانىستى س ءى م- دە داعدارىستىق شتاب ىسكە قوسىلدى، ول ق ر- دىڭ شەت ەلدەردەگى مەكەمەلەرىندە قۇرىلعان بارلىق جەدەل شتابتاردىڭ جۇمىسىن ۇيلەستىرەدى. قازىر الەمنىڭ 73 ەلىندە 295 مىڭعا جۋىق قازاقستاندىق بار» ، - دەدى ايبەك سمادياروۆ. ونىڭ اتاپ وتۋىنشە، شەتەلدەگى قازاقستان ازاماتتارىنىڭ ءتىزىمى ساعات سايىن وزەكتەندىرىلىپ وتىرادى. قازاقستان ەلشىلىكتەرىندە جۇمىس ىستەپ تۇرعان شتابتار ازاماتتارعا وتانعا ورالۋدىڭ مۇمكىندىكتەرى تۋرالى قاجەتتى نۇسقاۋلىقتار مەن اقپاراتتى بەرۋدە.
«شەتەلدەگى ءبىزدىڭ ازاماتتارىمىزدىڭ كوپ بولىگى، سولاردىڭ ىشىندە تۇراقتى تۇرۋعا، جۇمىس، وقۋ جانە باسقا ماقساتتا شەت مەملەكەتتەردە تۇراتىن ازاماتتارىمىز، اسىرەسە جاعدايى تۇراقتى ەلدەردە تۇراتىندار، قايتىپ ورالۋعا نيەت بىلدىرمەيدى. ولاردىڭ اراسىندا دۇرلىگۋ مەن ۇرەي جوق. ولار ورنالاسقان ەلدىڭ ۇسىنىستارى مەن ەرەجەلەرىن باسشىلىققا الادى، كارانتين رەجيمىن جانە ۇيدە وقشاۋلاۋدى ساقتايدى. قازىر تاڭدا ازاماتتارىمىزدىڭ ۇيلەرىنە ورالۋى –س ءى م جۇمىسىنىڭ نەگىزگى باسىمدىعى. بۇگىندە شەت ەلدەردەگى قازاقستاندىق تۋريستەردى ەسەپتەمەگەندە الەمنىڭ 23 ەلىنەن 1285 ازامات قازاقستانعا ورالۋعا نيەت بىلدىرۋدە. تۋريستەردى شىعارۋمەن قازىر مادەنيەت جانە سپورت مينيسترلىگى اينالىسىپ جاتىر» ، - دەدى رەسمي وكىل.