شەشەنستان باسشىسى 23 جاستاعى جيەنىن سپورت ءمينيسترى ەتىپ تاعايىندادى
بۇل اقپاراتتى رەسپۋبليكا باسشىسى Instagram جانە «ۆكونتاكتە»- دەگى پاراقشاسىندا ايتتى.
23 جاستاعى حامزان قادىروۆ بۇعان دەيىن شەشەنستانداعى كۋرچالوۆ اۋدانىن باسقارعان. مەملەكەتتىك باسقارۋ سالاسىندا ءبىلىمى بار. ول - رامزان قادىروۆتىڭ قايتىس بولعان اعاسى زەليمحان قادىروۆتىڭ ۇلى. رەسەيلىك باسىلىمدارعا بەرگەن سۇحباتىندا شەشەنستان باسشىسى جيەنىن بالالارىنان دا قاتتىراق جاقسى كورەتىنىن جانە بالالارىنا قاراعاندا سوعان كوبىرەك جاعداي جاسايتىنىن ايتقان.
رامزان قادىروۆتىڭ نەمەرە اعاسى تۋرپالالي يبراگيموۆ بىرنەشە كۇن بۇرىن حامزان قادىروۆ قاۋىپسىزدىك كەڭەسىنىڭ باسشىسى بولىپ تاعايىندالدى دەپ حابارلاعان، ءبىراق كەيىنىرەك جازباسىن ءوشىرىپ تاستادى.
جاقىندا قادىروۆتىڭ تاعى ءبىر جيەنى يبراگيم زاكرييەۆتىڭ رەسپۋبليكا باسشىسى اكىمشىلىگى مەن شەشەنستان ۇكىمەتىنىڭ جەتەكشىسى بولىپ تاعايىندالعانى بەلگىلى بولعان.
2017 -جىلى رامزان قادىروۆتىڭ ۇلكەن قىزىنا ۇيلەنگەن 23 جاستاعى ۆيسحان ماتسۋيەۆ 2019 -جىلى جەلتوقسان ايىندا شەشەنستاننىڭ ىشكى ىستەر مينيسترلىگىنىڭ كوشى- قون باسقارماسىنىڭ جەتەكشىسى بولدى.