+7 (701) 759 90 19
1 °С : نۇر-سۇلتان
7 °С : الماتى
USD 378.36 EUR 411.92
RUB 5.76 CNY 53.92
جاڭالىقتار

قولمەن حات جازۋ كۇنى. 23 -قاڭتار قازاقپارات كۇنتىزبەسى

23 قاڭتار 10:14
:ءبولىسۋ
قولمەن حات جازۋ كۇنى. 23 -قاڭتار قازاقپارات كۇنتىزبەسى

نۇر- سۇلتان. قازاقپارات - قازاقپارات وقىرماندارىنا 2019 -جىلعى 23 - قاڭتارعا ارنالعان كۇنتىزبەسىن ۇسىنادى.

اتاۋلى كۇندەر

قولمەن حات جازۋ كۇنى

بۇگىندە باسپا، ساندىق اقپارات جاۋلاپ العان كەزەڭدە ادىلەتسىز ۇمىت بولعان قولمەن جازىلعان حاتتىڭ ماڭىزدىلىعىن كوپشىلىكتىڭ ەسىنە تۇسىرۋگە ارنالدى. بۇل مەرەكەنىڭ كۇنتىزبەگە ەنگىزىلۋىنە باستاماشىلىق ەتكەن جازۋ قۇرالدارىن ءوندىرۋ قاۋىمداستىعى بولدى.

ەستە قالار وقيعالار

1982 -جىلى قازاقتىڭ اكادەميالىق وپەرا جانە بالەت تەاترىندا «اقان سەرى - اقتوقتى» وپەراسىنىڭ پرەمەراسى ءوتتى. العاشقى قويىلىمدا باس پارتيالاردى قازاقستاننىڭ ەڭبەك سىڭىرگەن ارتىستەرى حورلان قاليلامبەكوۆا مەن كەنجەعالي مىرجىقبايەۆ ورىندادى. وپەرانىڭ اۆتورى - سىدىق مۇحامەدجانوۆ. ليبرەتتوسىن جازعان عابيت مۇسىرەپوۆ.

1992 -جىلى ب ۇ ۇ قاۋىپسىزدىك كەڭەسى وتىرىسىندا قازاقستان رەسپۋبليكاسىن ب ۇ ۇ- عا مۇشە ەتىپ قابىلداۋ تۋرالى قارار قابىلداندى. 1992 -جىلعى ناۋرىزدىڭ 2 سىندە قازاقستان ب ۇ ۇ- نىڭ تولىق مۇشەسى بولدى.

1995 -جىلى بريۋسسەلدە ەلباسى نۇرسۇلتان نازاربايەۆ پەن ەۋروپا ىنتىماقتاستىعى كەڭەسىنىڭ ءتوراعاسى الەن جيۋپپە قازاقستان رەسپۋبليكاسى مەن ەۋروپا ىنتىماقتاستىعى اراسىنداعى سەرىكتەستىك پەن ىنتىماقتاستىق تۋرالى كەلىسىمگە قول قويدى.

2007 -جىلى وسكەمەندە شىعىس قازاقستان مەملەكەتتىك ۋنيۆەرسيتەتى عيماراتىنىڭ الدىندا قازاق فيلولوگياسىنىڭ كورنەكتى قايراتكەرى، قازاق ءتىل ءبىلىمىنىڭ نەگىزىن سالۋشىلاردىڭ ءبىرى، بەلگىلى تۇركولوگ، فيلولوگيا عىلىمدارىنىڭ دوكتورى، پروفەسسور سارسەن امانجولوۆقا ورناتىلعان ەسكەرتكىشتىڭ اشىلۋ سالتاناتتى ءوتتى. قولا ءمۇسىن ەسكەرتكىشى بەلگىلى قازاقستاندىق ساۋلەتشىلەر قازاقستان ونەرىنە ەڭبەك سىڭىرگەن قايراتكەر، قازاقستان رەسپۋبليكاسىنىڭ مەملەكەتتىك سىيلىعىنىڭ يەگەرى، پروفەسسور ە. سەرگەبايەۆ جانە جامبىل اتىنداعى سىيلىقتىڭ يەگەرى ب. ابىشيەۆتەردىڭ جوبالارى بويىنشا ورىندالعان. س. امانجولوۆ (1903-1958) جوعارعى وقۋ ورىندارىندا قازاق ءتىلىن زەرتتەۋدە ءوزىنىڭ تۇبەگەيلى ۇلەسىن قوسىپ، باعدارلامالار مەن كۋرستارىن ەنگىزگەن، سونىمەن قاتار مەكتەپتەر مەن ۋنيۆەرسيتەتتەرگە قازاق تىلىندەگى ءبىرىنشى وقۋلىقتارىن جاساعان تۇركىتانۋشى.

2008 -جىلى ەلباسى نۇرسۇلتان نازاربايەۆ بيزنەستىڭ الەۋمەتتىك جاۋاپكەرشىلىگىنىڭ جىل سايىنعى «پارىز» كونكۋرسىن وتكىزىپ وتىرۋ تۋرالى جارلىققا قول قويدى. قازاقستاننىڭ جەكە كاسىپكەرلىك سۋبەكتىلەرىنىڭ كورپوراتيۆتىك الەۋمەتتىك جاۋاپكەرشىلىك پرينتسيپتەرىن قالىپتاستىرۋ مەن ىلگەرىلەتۋ جانە ولاردى وسى سالاداعى ەڭ ۇزدىك تاجىريبەنى ەنگىزۋگە ىنتالاندىرۋ ماقساتىمەن قۇرىلعان.

2010 -جىلى قازاقستان رەسپۋبليكاسىنىڭ نيۋ- يوركتە باس كونسۋلدىعى سالتاناتتى تۇردە اشىلدى. راسىمگە ا ق ش- تا اككرەديتتەلگەن ەلدەر كونسۋلدىعى قىزمەتتەرىنىڭ باسشىلارى، ب ۇ ۇ جانىنداعى ت م د مەملەكەتتەرى ديپلوماتيالىق ميسسيالارىنىڭ باسشىلارى، ا ق ش- تىڭ مەملەكەتتىك دەپارتامەنتىنىڭ، نيۋ- يورك بيزنەس توپتارىنىڭ جانە مەرياسىنىڭ وكىلدەرى قاتىستى.

2012 -جىلى قازاقستان رەسپۋبليكاسى پرەزيدەنتىنىڭ جارلىعىمەن قازاقستاندا مەملەكەت تاريحىن جۇيەلى زەرتتەۋ جانە تانىمال ەتۋ ماقساتىندا «قازاقستان رەسپۋبليكاسى پرەزيدەنتتىك ورتالىعى» مەملەكەتتىك مەكەمەسىنىڭ جانە سالىنىپ جاتقان «قازاقستان رەسپۋبليكاسىنىڭ تۇڭعىش پرەزيدەنتى- ەلباسى كىتاپحاناسى» عيماراتىنىڭ نەگىزىندە «نازاربايەۆ ورتالىعى» كوپفۋنكتسيونالدى عىلىمي- تالداۋ جانە گۋمانيتارلىق- اعارتۋ مەملەكەتتىك مەكەمەسى قۇرىلدى.

2013 -جىلى الماتىدا 2012 -جىلعى لوندون وليمپياداسىنىڭ چەمپيوندارىنا ارنالعان پوشتا ماركالارى شىعارىلدى. ماركالار وفسەتتىك ادىسپەن ءتورت بوياۋمەن، 150 تەڭگەلىك نومينالمەن، كولەمى 28*40, 30 مىڭ تيراجبەن جاسالدى. سۋرەتشىسى - قۋات ىبىرايشين. پوشتا ماركاسىنا ءمور دايىندالدى.

2015 -جىلى مەملەكەت باسشىسى «ءال- فارابي اتىنداعى عىلىم مەن تەحنيكا، ادەبيەت جانە ونەر سالاسىنداعى قازاقستان رەسپۋبليكاسىنىڭ مەملەكەتتىك سىيلىقتارى تۋرالى» جارلىققا قول قويدى.

2017 -جىلى استانادا سيريا ماسەلەسى بويىنشا حالىقارالىق كەزدەسۋلەر باستالدى. سيريا ۇكىمەتى جانە سيريالىق وپپوزيتسيا، ا ق ش، رەسەي، تۇركيا، يران ەلدەرىنىڭ وكىلدەرى، سونداي- اق ب ۇ ۇ باس حاتشىلىعىنداعى سيريا بويىنشا ارنايى ەلشىسى كەلىسسوزدەرگە قاتىساتىنىن ماقۇلداعان.

2017 -جىلى ءابۋ- دابيدە وتكەن برازيليالىق دجيۋ- دجيتسۋدان «Abu Dhabi Grand Slam-2017» الەمدىك تۋرىندا شىعىس قازاقستان وبلىستىق ءماسليحاتىنىڭ دەپۋتاتى ايدوس سەرىكقالي ۇلى التىن مەدال جەڭىپ الدى. ءتۋرنيردىڭ جۇلدە قورى - 155000 دوللار.

2018 -جىلى ب ۇ ۇ بالالار قورى (يۋنيسەف) قازاقستاندا بالالارعا قارسى زورلىق- زومبىلىقتىڭ الدىن الۋ جانە زاڭعا تارتىلعان بالالاردىڭ ماسەلەلەرىن شەشۋ ءۇشىن ەكى كوممۋنيكاتسيالىق ناۋقاندى باستادى. العاشقى جىلدارى كوممۋنيكاتسيالىق كامپانيا استانا مەن الماتى قالالارىندا، ش ق و، و ق و، اقتوبە، ماڭعىستاۋ، قىزىلوردا وبلىستارىندا باستالادى. الداعى ۋاقىتتا بۇل ناۋقاندى بۇكىل قازاقستاندا جۇرگىزۋ جوسپارلانۋدا.

2019 -جىلى ەلورداداعى «نۇر الەم» پاۆيلونىندا ەلباسى نۇرسۇلتان نازاربايەۆتىڭ قاتىسۋىمەن «تاۋەلسىزدىك ۇرپاقتارى» اتتى جاستار جىلىنىڭ سالتاناتتى اشىلۋ ءراسىمى ءوتتى.

جىل بويى مەملەكەتتىك جاستار ساياساتىن جۇزەگە اسىرۋ مەن جان- جاقتى قولداۋعا باعىتتالعان شارالار وتكىزىلدى.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات