قازاقستاندا تىكۇشاق كومەگىمەن 23 ەسىرتكى القابى انىقتالدى

None
None
نۇر-سۇلتان. قازاقپارات - قازاقستاندا ءتارتىپ ساقشىلارى تىكۇشاق كومەگىمەن اۋەدەن 23 ەسىرتكى القابىن تاپتى، دەپ حابارلايدى قازاقپارات ءى ءى م باسپا ءسوز قىزمەتىنە سىلتەمە جاساپ.

پوليتسيا قىزمەتكەرلەرى «كوكنار» وپەراتسياسى بارىسىندا 3 ايدىڭ ىشىندە 16,7 توننا ەسىرتكى تاركىلەدى. سونداي-اق، ءتارتىپ ساقشىلارى تىكۇشاق كومەگىمەن زاڭسىز «ءۇندىستان كوكنارى» وسىرىلگەن 23 پلانتاتسيانى تاپتى.

«جىل سايىن ماۋسىم مەن قازان ارالىعىندا ەلىمىزدە «كوكنار» وپەراتسياسى جۇرگىزىلەدى. ەسىرتكى ساتۋشىلاردى ۇستاۋ ءۇشىن ناركواكتيۆتى اۋداندارداعى (جامبىل جانە قىزىلوردا وبلىستارى) پوليتسەيلەرگە وزگە وڭىرلەردەن ارىپتەستەرى مەن تەحنيكالىق قۇرالدار كومەككە كەلۋدە. سونداي-اق، قىزىلوردا وبلىسىندا ءۇندى كوكنارى ەگىلگەن القاپتاردى انىقتاۋ ءۇشىن ۇلتتىق گۆارديا جانە «سۇڭقار» ارنايى جاساق قىزمەتكەرلەرى اۋە تەحنيكاسىنىڭ كومەگىمەن قاشىقتا ورنالاسقان جەرلەر اۋەدەن باقىلايدى»، دەلىنگەن حابارلامادا.

وسىنداي ءتاسىل وڭ ناتيجە بەرۋدە. جەدەل الدىن الۋ شارالارى باستالعالى 16 توننا ەسكىرتكى تاركىلەندى. ونىڭ 8,7 كەلىسى - گەروين، 4 تونناسى - ماريحۋانا، 198 كەلىسى - ناشا. ال كوكنار ەگىلگەن جەرلەردەن 10 توننا ەسىرتكى وسىمدىگىنىڭ كوزى جويىلدى.

سوڭعى جاڭالىقتار