جويقىن قۇيىننان 23 ادام قازا تاپتى

 استانا. قازاقپارات - ا ق ش- تىڭ الاباما شتاتىنىڭ لي گرافىندا جويقىن قۇيىننان كەيىن كەم دەگەندە 23 ادام قازا تاپتى، ولاردىڭ ىشىندە بالالار دا بار، - دەپ حابارلايدى Reuters. قۇتقارۋشىلار ىزدەۋ جۇمىستارى ءالى اياقتالماعانىن جانە قازا تاپقانداردىڭ سانى ۇلعايۋى مۇمكىن ەكەنىن ايتتى.

جەرگىلىكتى شەريفتىڭ سوزىنشە، وسىنشاما قيراعان جەردى ول بۇرىن-سوڭدى كورمەگەن. كورشىلەس تۇرعان دجوردجيادا دا اعاشتار تامىرىمەن بىرگە ۇشىپ كەتكەن. وعان قوسا ەلەكتر قۋاتى 21000 تۇتىنۋشىدا جوق. ا ق ش پرەزيدەنتى دونالد ترامپ جەرگىلىكتى تۇرعىندارعا ساق بولۋ كەرەكتىگىن ايتتى.

دارىگەرلەردىڭ ايتۋىنشا، ولاردىڭ كومەگىنە 40 ادام جۇگىنگەن. الاباما شتاتىنىڭ باسشىسى وسىدان كەيىن دە قولايسىز اۋا رايى بولاتىنىن ەسكەرتكەن ەكەن. مەكتەپتەردە ساباقتار توقتاتىلعان. ەلەكتر قۋاتىن قالپىنا كەلتىرۋ جۇمىستارى ءجۇرىپ جاتىر.

Kaz.tengrinews.kz

 

Un potente tornado (estimación inicial EF-3) deja al menos 22 fallecidos en Alabama (EEUU). Pudo recorrer unos 100 km tocando tierra. Este es el rastro de destrucción que ha dejado a su paso, grabado por @scottfillmer pic.twitter.com/ngBf9Ef0aN

— MeteoMadrid ❄️ (@CarlosVelasco_w) 4 марта 2019 г.