از قامتىلعان وتباسىلاردىڭ بالالارىنا 23 جاسقا دەيىن جاردەماقى تولەنەدى - مينيستر
«سونىمەن قاتار از قامتىلعان وتباسىنىڭ بالالارىنا بەرىلەتىن جاردەماقى دا وزگەرەدى. ەگەر ول 1 -شىلدەگە دەيىن 4834 تەڭگە بولسا، 1 -شىلدەدەن باستاپ 20789 تەڭگەگە جەتەدى. ول 18 جاسقا دەيىن تولەنەدى. ەگەر ول بالالار وقيتىن بولسا، وندا 23 جاسقا دەيىن تولەنەدى. وعان قوسىمشا اتا-اناسىنا تابىستارى كۇنكورىس ايىرماشىلىعىن ەسەپتەگەندە كۇنكورىس دەڭگەيىنەن تومەن بولسا وندا دا ولارعا قوسىمشا جاردەماقى تولەنەدى»، - دەدى ول.
مينيستر الەۋمەتتىك كومەكتى تاعايىنداعان كەزدە حالىققا ىڭعايلى بولۋى جانە ادامداردى بەكەردەن-بەكەر ساندالتپاۋ ءۇشىن تالاپ ەتىلەتىن قۇجاتتار سانى ازاياتىندىعىن ايتتى.
«ەندى وسىنىڭ بارلىعى قازىرگى تاڭدا جۇزەگە اسىرىلىپ جاتقان «ە- حالىق» جۇيەسىمەن جۇزەگە اسىرىلادى. ەگەر كەيبىر مالىمەتتەر جوق بولاتىن بولسا دا اتا-انانىڭ كەلۋىنىڭ كەرەگى جوق. جەرگىلىكتى جەرلەردەگى جۇمىسپەن قامتۋ ورتالىقتارى، اكىمشىلىكتەر ءتيىستى مەملەكەتتىك ورگاندارعا سۇراۋ جاساپ، وزدەرىنە ءتيىستى مالىمەتتەردى الاتىن بولادى»، - دەدى ب. ساپاربايەۆ.
