وتانداستار قورى: شەتەلدەن كەلگەن 238 قانداس قازاقستاندا ءبىلىم الاتىن بولدى

None
None
 نۇر- سۇلتان. قازاقپارات - «وتانداستار قورى» كوممەرتسيالىق ەمەس اكسيونەرلىك قوعامى شەتەلدەن كەلىپ، ءبىلىم الۋعا نيەت بىلدىرگەن  1000 ورىندى گرانتقا سىيماي قالعان 238 ءوتىنىش بەرۋشىنىڭ ماسەلەسىن شەشىلۋىنە ىقپال ەتتى.

 بۇل تۋرالى قازاقپارات «وتانداستار قورى» ك ە ا ق باسپا ءسوز قىزمەتىنە سىلتەمە جاساپ حابارلايدى.

ايتا كەتەيىك، بيىل شەتەلدەن كەلگەن قانداس ستۋدەنتتەردى دايىندىق كۋرسىنا قابىلداۋ ەمتيحانى 13 - قىركۇيەكتە ءوتتى. ال 25 - قىركۇيەكتە تالاپكەرلەر جيناعان بالىنا قاراي بولىنگەن  1000 ورىنعا قابىلدانعان ەدى.

«وتانداستار قورى» ك ە ا ق 1000 ورىنعا سىيماي قالعان 238 ءوتىنىش بەرۋشىنىڭ جايى بويىنشا ق ر ءبىلىم جانە عىلىم مينيسترلىگىنە حات جولدادى. ال دۇنيەءجۇزى قازاقتارى قاۋىمداستىعىنىڭ ءبىرىنشى ورىنباسارى زاۋىتبەك قاۋىسبەك ۇلى ۇكىمەت وتىرىسىندا وسى ماسەلەنى كوتەردى. بۇگىنگى كۇنى ماسەلە وڭ شەشىمىن تاۋىپ، 238 ۇمىتكەر ەلدە قالىپ، ءبىلىمىن تەگىن جالعاستىرۋعا مۇمكىندىك الدى»، - دەلىنگەن باسپا ءسوز بايانىندا.

توقتالا كەتەتىن جايت، شەت ەلدەردە تۇراتىن قانداستارىمىزدىڭ قازاقستاندا ءبىلىم الۋى جىلدان جىلعا جۇيەلەنىپ كەلەدى. ەتنيكالىق قازاق جاستارىنىڭ ج و و- عا ءتۇسۋى كەزىندە قازاق ءتىلى مەن قازاقستان تاريحى سىناعىنان قينالماۋى ءۇشىن اتالعان وقۋ ورىندارىندا ولارعا ارنالىپ دايىندىق بولىمدەرى اشىلعان. وتانداستار قورى ءبىلىم ىزدەپ كەلگەن شەت ەلدىك قازاق جاستارىنىڭ جاتاقحانامەن قامتاماسىز ەتىلۋىنە سەپ بولعان ەدى.

اۆتور: قانات مامەتقازى ۇلى

سوڭعى جاڭالىقتار