پاۆلودار وبلىسىندا 236 شەتەلدىك قانداسىمىز قازاقستان ازاماتتىعىن الدى
وبلىستىق پوليتسيا دەپارتامەنتى كوشى- قون قىزمەتى ازاماتتىق جانە كوشى- قون توبىنىڭ اعا ينسپەكتورى گۇلستان باتالوۆانىڭ ايتۋىنشا، ۆەدومستۆودا 18 ءتۇرلى مەملەكەتتىك قىزمەت كورسەتىلەدى.
«ونىڭ ىشىندە شەت ەل ازاماتتارى قازاقستان رەسپۋبليكاسىندا تۇراقتى تۇرۋ، قۇجاتتاردى تىركەۋ جانە قازاقستاننىڭ ازاماتتىعىن الۋ جونىندە وتىنىشپەن جۇگىنەدى، - دەيدى گۇلستان باتالوۆا.
«بيىل جىل باسىنان بەرى 1000 عا جۋىق شەت ەل ازاماتىنا قازاقستاندا تۇراقتى تۇرۋ ءۇشىن رۇقسات بەرىلدى. ولاردىڭ باسىم بولىگى 31 - جەلتوقسانعا دەيىن وتەتىن «مەرزىمى ءوتىپ كەتكەن ورالمان مارتەبەسىن ۇزارتۋ» اك سياسى اياسىندا ق ر ازاماتتىعىن الىپ ۇلگەردى. وعان ءبىر كەزدەرى ورالمان مارتەبەسىن العان، ءبىراق بەلگىلى ءبىر سەبەپتەرمەن ازاماتتىقتى راسىمدەي الماعان جانە وسىلايشا ورالمان مارتەبەسى مەرزىمى ءوتىپ كەتكەن ەتنيكالىق قازاقتار كىرەدى».
ايتا كەتەر جايت، جوعارىدا اتالعان ازاماتتار قالاداعى استانا كوشەسى، 59 مەكەنجايى بويىنشا ورالمان مارتەبەسىن ۇزارتىپ، ق ر ازاماتتارىن قابىلداۋعا قۇجاتتارىن ىشكى ىستەر ورگاندارىنا جانە كوشى- قون قىزمەتىنە تاپسىرا الادى. ق ر كەلەتىن شەت ەل ازاماتتارىنىڭ ماتەريالدارى «ۆ 8» كاتەگورياسى بويىنشا قابىلدانسا، ەتنيكالىق قازاقتار كەز كەلگەن ۆيزا بويىنشا تۇراقتى تۇرۋعا تاپسىرا الادى. قۇجاتتار ءتىزىمى ق ر ءى ءى م- مەن بەكىتىلگەن. ماتەريالداردى قاراۋ مەرزىمى - 60 كۇنتىزبەلىك كۇن. قىزمەت كورسەتۋ – تەگىن».