قازاقستاندا 236 ادام سۋعا كەتتى

نۇر-سۇلتان. قازاقپارات - شومىلۋ ماۋسىمى باستالعان ساتتەن بەرى ەلىمىزدە 236 ادام سۋعا كەتتى، ونىڭ ىشىندە 81 بالا بار، دەپ حابارلايدى قازاقپارات ق ر ءى ءى م توتەنشە جاعدايلار كوميتەتىنە سىلتەمە جاساپ.

وتكەن اپتادا 24 ادام سۋعا باتسا، ونىڭ التاۋى بالالار بولعان.

«ادامدار اجالىنىڭ نەگىزگى سەبەبى شومىلۋعا ارنالماعان جەردە سۋعا ءتۇسۋ، بالالاردى قاراۋسىز قالدىرۋ جانە ماس كۇيىندە شومىلۋ بولىپ وتىر. اسىرەسە، ادامداردىڭ وزىنە تىم سەنىمدى بولۋىنان، ءوز مۇمكىندىگىن باعامداي الماۋى مەن سۋداعى قاۋىپسىزدىك ەرەجەلەرىن ساقتاماۋىنان قايعىلى وقيعالار بولادى»، - دەلىنگەن ت ج كوميتەتىنىڭ مالىمدەمەسىندە.

ق ر ءى ءى م ت ج كوميەتتى ازاماتتاردى سۋ ايدىنىندا قاۋىپسىزدىك ەرەجەلەرىن ساقتاۋعا شاقىرادى.

ماس كۇيدە سۋعا تۇسۋگە، قايىقتان، كاتەردەن، ايلاقتان سەكىرۋگە، تەكسەرىلمەگەن ورىندارعا سۇڭگۋگە، بەلگىلەنگەن سىزىقتان اسۋعا جانە بالالاردى ەرەسەكتەر قاراۋىنسىز شومىلدىرۋعا بولمايدى.

اۆتور: ايجان سەرىكجان قىزى