قازاقستان حالقىنىڭ سانى ءبىر جىلدا 234 مىڭ ادامعا كوبەيدى

نۇر- سۇلتان. قازاقپارات - قازاقستان حالقىنىڭ سانى ءبىر جىلدا 234 مىڭ ادامعا كوبەيدى. بۇل تۋرالى ۇلتتىق ەكونوميكا مينيسترلىگىنە قاراستى ستاتيستيكا كوميتەتىنەن ءمالىم ەتتى، دەپ حابارلايدى قازاقپارات ءتىلشىسى.

«2019 -جىلعى 1 - جەلتوقساندا ەلىمىزدەگى حالىق سانى 18 ميلليون 611,1 مىڭ ادام بولدى. ونىڭ ىشىندە قالالىقتار - 10 ميلليون 875,7 مىڭ (58,4 پايىز)، اۋىلدىقتار - 7 ميلليون 735,4 مىڭ ادام (41,6 پايىز)» دەلىنگەن ۆەدومستۆو اقپاراتىندا.

تاراتىلعان مالىمەتكە سايكەس، 2018 -جىلعى 1 - جەلتوقسانمەن سالىستىرعاندا حالىق سانى 234,9 مىڭ ادامعا نەمەسە 1,3 پايىزعا وسكەن. قاراستىرىلعان كەزەڭدە ەڭ كوپ جالپى ءوسىم ەلىمىزدىڭ 3 وڭىرىندە، اتاپ ايتقاندا نۇر- سۇلتان (61,7 مىڭ ادام)، الماتى قالالارىندا (57,8 مىڭ ادام) جانە تۇركىستان وبلىسىندا (38,4 مىڭ ادام) تىركەلدى.

اۆتور: مارلان جيەمباي