+7 (701) 759 90 19
12 °С : نۇر-سۇلتان
18 °С : الماتى
USD 424.92 EUR 500.09
RUB 5.87 CNY 65.92
جاڭالىقتار

اتىراۋ وبلىسىندا كوروناۆيرۋستەن 233 ادام قايتىس بولعان

23 شىلدە 21:32
:ءبولىسۋ
اتىراۋ وبلىسىندا كوروناۆيرۋستەن 233 ادام قايتىس بولعان

اتىراۋ. قازاقپارات - اتىراۋ وبلىسىندا جىل باسىنان بەرى كوروناۆيرۋس ينفەكسياسىنان 233 ادام قايتىس بولعان، دەپ حابارلايدى قازاقپارات.

وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى قايسار ابداليەۆتىڭ ايتۋىنشا، اتىراۋدا كۇردەلى ەپيدەميالىق احۋال قالىپتاسىپ وتىر.

«سوڭعى 7 تاۋلىكتە كوروناۆيرۋس ينفەكسياسىن جۇقتىرعاندار سانى %30 عا ارتتى. ماسەلەن، 16- شىلدەدە 342، 22- شىلدەدە 489 ادام كوروناۆيرۋس ينفەكسياسىن جۇقتىردى. وسىعان بايلانىستى 414 رەزەرۆتىك توسەك-ورىننىڭ %99 ناۋقاستارعا تولدى»، - دەيدى قايسار ابداليەۆ.

ونىڭ مالىمەتىنشە، بىلتىر كوروناۆيرۋس ينفەكسياسىنان 110 ادام قايتىس بولعان. ال، بيىلعى قاڭتاردان بەرى قايتىس بولعان ادامداردىڭ سانى 233 كە جەتكەن.

«اتىراۋ وبلىسىندا 67 ناۋقاس جانساقتاۋ بولىمىندە ەمدەلۋدە. ونىڭ ىشىندە 54 ادامنىڭ جاعدايى اۋىر، 13 ناۋقاس وتە اۋىر حالدە جاتىر. ناۋقاستاردىڭ اراسىندا 11 پاتسيەنت وكپەنى جاساندى جەلدەتۋ اپپاراتىنا قوسىلعان»، - دەپ ءمالىم ەتتى قايسار ابداليەۆ.

ەسكە سالا كەتەلىك، بۇدان بۇرىن اتىراۋدا جىل باسىنان بەرى كوروناۆيرۋس جۇقتىرعان 160 ادام قايتىس بولعانىن جازعان ەدىك.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات