ءاليا نازاربايەۆانىڭ قورى قىتايدان 233 وتتەگى كونسەنتراتورىن ساتىپ الدى
بۇل تۋرالى قازاقپارات حابارلايدى.
ەمدەۋ ءۇشىن ومىرلىك ماڭىزى بار اپپاراتتار ماڭعىستاۋ، اتىراۋ، اقتوبە، قاراعاندى جانە قوستاناي وبلىستارىنداعى وبلىستىق، قالالىق جانە اۋداندىق ماڭىزى بار 17 اۋرۋحاناعا جىبەرىلەدى. قور لوگيستيكا بويىنشا مونيتورينگ جۇرگىزەدى جانە 17 اۋرۋحانانىڭ ارقايسىسىمەن وتتەگى كونتسەنتراتتارىن ۋاقتىلى جانە قاۋىپسىز جەتكىزۋ بويىنشا تىعىز جۇمىس جۇرگىزەدى.
ق ر دەنساۋلىق ساقتاۋ مينيسترلىگى تىنىس الۋ اپپاراتتارىنا مۇقتاج مەديتسينالىق مەكەمەلەردىڭ ءتىزىمىن ۇسىندى. وتتەگى كونتسەنتراتورى وكپە اۋرۋلارىن ەمدەۋدە سىعىلعان وتتەگىگە قاۋىپسىز بالاما رەتىندە قولدانىلادى. اپپارات ونى پاتسيەنتكە جوعارى كونتسەنتراتسيادا - %90-95 مولشەردە بەرەدى.
ايتا كەتۋ كەرەك، اۋادا وتتەگىنىڭ مولشەرى شامامەن % 20 قۇرايدى.
«ءبىزدىڭ گۋمانيتارلىق كومەك دارىگەرلەرگە كورونوۆيرۋسپەن كۇرەستە كومەكتەسەدى دەپ شىن جۇرەكتەن ۇمىتتەنەمىن جانە دۇعا ەتەمىن، سونداي- اق قىتايدان قازاقستانعا ومىرلىك ماڭىزدى اپپاراتتاردى تاسىمالداۋعا قاتىسقان بارلىق ادامدارعا العىس بىلدىرگىم كەلەدى» - دەپ جازادى ءاليا نۇرسۇلتان قىزى Instagram-دا.
ەستەرىڭىزگە سالا كەتەيىك، كوروناۆيرۋستىق پاندەميا كەزىندە ءاليا نۇرسۇلتان قىزى نازاربايەۆانىڭ قورى حالىققا ازىق- تۇلىك سەبەتتەرى، ءدارى- دارمەكتەر، كيىم- كەشەك سەرتيفيكاتتارى، سونداي- اق بالالاردى قاشىقتان وقىتۋ ءۇشىن نوۋتبۋكتەر ساتىپ الۋ تۇرىندە بىرنەشە رەت قايىرىمدىلىق كومەك كورسەتكەن بولاتىن.
اۆتور: مارلان جيەمباي