+7 (701) 759 90 19
0 °С : نۇر-سۇلتان
8 °С : الماتى
USD 447.60 EUR 489.41
RUB 5.71 CNY 63.05
جاڭالىقتار

ەۋروپالىق وداق كوروناۆيرۋسقا قارسى كۇرەسكە 232 ميلليون ەۋرو بولەدى

24 اقپان 20:08
:ءبولىسۋ
ەۋروپالىق وداق كوروناۆيرۋسقا قارسى كۇرەسكە 232 ميلليون ەۋرو بولەدى

بريۋسسەل. قازاقپارات - ەۋروپالىق وداق COVID-19 كوروناۆيرۋسىنىڭ ورشۋىنە قارسى كۇرەسكە 232 ميلليون ەۋرو بولەدى، دەپ حابارلايدى «قازاقپارات» ح ا ا مەنشىكتى ءتىلشىسى ەۋروكوميسسيانىڭ حابارلاماسىنا سىلتەمە جاساپ.

«ۆيرۋستى جۇقتىرعاندار سانىنىڭ ارتۋىنا بايلانىستى قوعامدىق دەنساۋلىق ساقتاۋ ءبىرىنشى كەزەكتەگى باسىمدىققا يە بولادى. ەۋروپاداعى، قىتايداعى نەمەسە باسقا ەلدەردەگى دايىندىقتى ارتىرۋدا حالىقارالىق قاۋىمداستىق بىرگە جۇمىس ىستەۋى كەرەك» ، - دەپ كەلتىرىلگەن حابارلامادا ەۋروكوميسسيا باسشىسى ۋرسۋلا فون دەر ليايەننىڭ ءسوزى.

«ءبىزدىڭ جاڭا كومەك پاكەتىمىز دۇنيەجۇزىلىك دەنساۋلىق ساقتاۋ ۇيىمىنا قولداۋ كورسەتەدى جانە دەنساۋلىق ساقتاۋ جۇيەسى ءالسىز ەلدەر نازاردان تىس قالماۋى ءۇشىن ماقساتتى قارجىلاندىرۋدى قامتاماسىز ەتەدى. ماقساتىمىز - بۇل اۋرۋعا جاھاندىق دەڭگەيدە تويتارىس بەرۋ» ، - دەدى انتيكريزيستىك باسقارۋ جونىندەگى ەۋروكوميسسار يانەز لەنارچيچ.

بولىنگەن قاراجاتتىڭ 114 ميلليون ەۋروسى - ددۇ شارالارىن قولداۋعا، 15 ميلليون ەۋروسى - افريكاداعى سەرىكتەس ەلدەرگە، 90 ميلليون ەۋروسى - فارماتسيەۆتىك كومپانيالارعا جانە 10 ميلليون ەۋرو ەپيدەميولوگيا، دياگنوستيكا جانە تەراپيا سالالارىنداعى زەرتتەۋگە، سونداي- اق اۋرۋدىڭ تارالۋىن توقتاتۋعا بولىنەدى.

تاعى 3 ميلليون ەۋرو قىتايدىڭ ۋحان قالاسىنان ەۋروپالىق وداق مەملەكەتتەرىنىڭ ازاماتتارىن قايتارۋعا باعىتتالادى. ەۋروكوميسسيا ە و ەلدەرىنىڭ رەپاترياتسياعا ارنالعان كولىك شىعىندارىنىڭ %75 جابادى.

اۆتورى تيمۋر دۇيسەكەيەۆ


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات