ەلورداعا قوسىمشا 2300 توننا سۇيىتىلعان گاز ءبولىندى - ەنەرگەتيكا مينيسترلىگى

None
None
نۇر- سۇلتان. قازاقپارات - وسى ايدا نۇر- سۇلتان قالاسىنىڭ شامامەن 10 كوپ پاتەرلى تۇرعىن ءۇي كەشەندەرىنە ىستىق سۋمەن جابدىقتاۋ جانە جىلۋ بەرۋ قىزمەتتەرىن كورسەتۋدە ىركىلىس بولدى.

نەگىزگى سەبەپتەردىڭ ءبىرى - سۇيىتىلعان گازدى ەلورداعا ۋاقتىلى جەتكىزبەۋ، دەپ حابارلايدى قازاقپارات ق ر ەنەرگەتيكا مينيسترلىگىنىڭ Instagram پاراقشاسىنا سىلتەمە جاساپ.

ق ر ەنەرگەتيكا مينيسترلىگى جەرگىلىكتى اتقارۋشى ورگانمەن، سونداي- اق ءوندىرۋشى زاۋىتتارمەن جانە «قازاقستان تەمىر جولى» ۇ ك ا ق مەن بىرلەسىپ، جىلۋ بەرۋ ماۋسىمىنىڭ ەرتە باستالۋىنا بايلانىستى ەلوردا ءۇشىن گازدى باسىمدىقپەن جونەلتۋ مۇمكىندىگىن پىسىقتادى. سونىمەن قاتار، «تەڭىزشيەۆرويل» ج ش س مەن قالاعا قوسىمشا 2300 توننا گاز ءبولۋ تۋرالى كەلىسسوزدەر جۇرگىزىلدى.

ءبىرىنشى كەزەكتە وتىن گاز تاراتۋ قوندىرعىلارى مەن قازاندىقتارعا، سودان كەيىن عانا اۆتوجانارماي قۇيۋ ستانتسيالارىنا جەتكىزىلەتىن بولادى. سوڭعى ەكى جىلدا كوگىلدىر وتىنعا اۋىستىرىلعان اۆتوموبيلدەر سانى ارتقانىن اتاپ وتكەن ماڭىزدى (2019 -جىلعى 139 مىڭ بىرلىكتەن 2021 -جىلى 313 مىڭ اۆتوموبيلگە دەيىن) .

ايتا كەتەيىك، جاعدايعا «تەڭىزشيەۆرويل» ج ش س (18.09.2021- 01.08.2021 ارالىعىندا) ، سونداي- اق «س ن پ س- اقتوبەمۇنايگاز» ا ق (قىركۇيەك) جانە «پاۆلودار مۇناي- حيميا زاۋىتى» ج ش س (قازان) زاۋىتتارىندا كۇردەلى جوندەۋ جۇرگىزۋ اسەر ەتتى، سونىڭ سالدارىنان قازاقستاندا سۇيىتىلعان مۇناي گازىن ءوندىرۋ كولەمى % 25 عا تومەندەدى. جاقىن كۇندەرى زاۋىتتار وندىرىستىك قۋاتىنا شىعىپ جانە جاقىن ارادا سۇيىتىلعان گاز وڭىرلەرگە كەلىپ ءتۇسىپ، حالىق اراسىندا بولشەك ساۋدا ءۇشىن قولجەتىمدى بولادى. ىشكى نارىققا بەرۋ جوسپارى شەڭبەرىندە وتكىزىلەتىن سۇيىتىلعان مۇناي گازىنىڭ اينالىمىن باقىلاۋدى جەرگىلىكتى اتقارۋشى ورگاندار جۇزەگە اسىرادى.

سوڭعى جاڭالىقتار