قاسىم- جومارت توقايەۆ 23-25 - قىركۇيەكتە ا ق ش- قا بارادى
بەرىك ءۋاليدىڭ ايتۋىنشا، قازاقستان رەسپۋبليكاسىنىڭ پرەزيدەنتى قاسىم- جومارت توقايەۆ 2019 -جىلدىڭ 23-25 - قىركۇيەك ارالىعىندا نيۋ- يورك قالاسىندا (ا ق ش) وتەتىن ب ۇ ۇ باس اسسامبلەياسىنىڭ 74-سەسسياسىنا قاتىسادى.
«باس اسسامبلەيانىڭ جۇمىسىنا 196 دەلەگاتسيا، 100-گە جۋىق مەملەكەت باسشىلارى، ب ۇ ۇ- عا مۇشە ەلدەردىڭ 80-نەن اسا ۇكىمەت جانە سىرتقى ساياسات ۆەدومستۆولارىنىڭ جەتەكشىلەرى قاتىسادى. وسى ماڭىزدى شارانىڭ اياسىندا ءتۇرلى كەزدەسۋلەر وتەدى دەپ جوسپارلانۋدا.
مەملەكەت باسشىسى باس اسسامبلەيانىڭ جالپى پىكىرسايىسىندا بايانداما جاسايدى. بيىل اتالعان پىكىرسايىس «كەدەيلىكتى جويۋ، ساپالى ءبىلىم بەرۋدى جانە كليماتتى ساقتاۋ ءىس- قيمىلدارى مەن جان- جاقتى تاسىلدەردى ىلگەرىلەتۋ ءۇشىن كوپجاقتى كۇش- جىگەردى شوعىرلاندىرۋ» تاقىرىبىندا وتەدى»، - دەپ جازادى بەرىك ءۋالي facebook پاراقشاسىندا.
سونداي- اق پرەزيدەنت تۇراقتى دامۋ ماسەلەلەرى جونىندەگى ساياسي فورۋمدا ءسوز سويلەيدى.
«پرەزيدەنت تۇراقتى دامۋ ماسەلەلەرى جونىندەگى جوعارى دەڭگەيدەگى ساياسي فورۋمدا ءسوز سويلەيدى. بۇدان بولەك، قاسىم- جومارت توقايەۆتىڭ ب ۇ ۇ- نىڭ باس حاتشىسى انتونيۋ گۋتەرريشپەن، ءبىرقاتار مەملەكەت جانە ۇكىمەت باسشىلارىمەن، حالىقارالىق ۇيىم جەتەكشىلەرىمەن، امەريكالىق بيزنەس جانە ترانسۇلتتىق كومپانيا وكىلدەرىمەن، ا ق ش- تىڭ ساياسي جانە ساراپشى توپ مۇشەلەرىمەن كەزدەسۋى جوسپارلانعان. قازاقستان پرەزيدەنتىنىڭ ب ۇ ۇ با- نىڭ جوعارى دەڭگەيدەگى جيىنىنا قاتىسۋى ەلىمىزدىڭ ءبىرقاتار سىرتقى ساياسي باستامالارىن ىلگەرىلەتۋگە باعىتتالعان. اتاپ ايتقاندا، قارۋسىزداندىرۋ جانە ونى تاراتپاۋ، بىتىمگەرشىلىك، تەرروريزمگە قارسى ارەكەت ەتۋ ۇستانىمدارى تالقىلانادى. سونىمەن بىرگە، كەڭ اۋقىمدى حالىقارالىق اۋديتوريانىڭ نازارىنا ورنىقتى دامۋ، ازىق- تۇلىك قاۋىپسىزدىگى، دەنساۋلىق ساقتاۋ جانە ءبىلىم بەرۋ جۇيەسىمەن جاپپاي قامتۋ، قورشاعان ورتانىڭ ازىپ- توزۋى سىندى جاھاندىق كۇن تارتىبىندەگى وزەكتى ماسەلەلەرگە قاتىستى قازاقستاننىڭ كوزقاراسى ۇسىنىلادى»، - دەدى ق ر پرەزيدەنتىنىڭ باسپا ءسوز حاتشىسى.