نۇر-سۇلتاندا ءارقايسىسى 23 ميلليون تەڭگە تۇراتىن 20 جەدەل جاردەم كولىگى ساتىپ الىندى

None
None
نۇر-سۇلتان. قازاقپارات - تاۋەلسىزدىك كۇنى مەرەكەسى قارساڭىندا باس قالانىڭ جەدەل جاردەم امبۋلاتورلىق كولىكتەرىنىڭ قاتارىنا تاعى 20 سۋ جاڭا كولىك قوسىلدى، دەپ حابارلايدى قازاقپارات ءتىلشىسى.

«ايتۋلى مەرەكە الدىندا 20 امبۋلاتورلىق جەدەل جاردەم كولىگىنىڭ كىلتىن تاپسىرۋدامىز. جىل سوڭىنا دەيىن تاعى 52 جەدەل جاردەم كولىگى الىنباق. شەتەلدە جاسالعان بۇل كولىكتەر وتە ىڭعايلى، زامان تالابىنا ساي جانە قاجەتتى قۇرال-جابدىقتارمەن جاراقتاندىرىلعان. ياعني مۇندا ينسۋلت العاندا، جۇرەك تالماسىنا شالدىققاندا جىلدام كومەك كورسەتۋ ءۇشىن قاجەتتىلىكتەردىڭ ءبارى بار. بۇل ءوز كەزەگىندە جەدەل جاردەم ماماندارىنىڭ جۇمىسىن جاقسارتۋمەن قاتار، ۋاقىتىن ۇنەمدەۋگە سەپتىگىن تيگىزەدى»، - دەدى قالا اكىمىنىڭ ورىنباسارى باقتيار ماكەن.

اكىم ورىنباسارىنىڭ سوزىنە سەنسەك، اتالعان كولىكتەردىڭ ءارقايسىسى 23 ميلليون تەڭگە تۇرادى.

«جۋىردا 700 دەن استام جەدەل جاردەم مامانى ارانايى كۋرستان ءوتتى. ەندىگى زامان اعىمىنان قالماۋ ءۇشىن شەت ءتىلىن يگەرۋدى جوسپارلاپ وتىرمىز. ونداعى ماقسات - قالا تۇرعىندارىن عانا ەمەس، شەتەلدىك ازاماتتارعا دا قول ۇشىن سوزۋعا دايىن بولۋ» - دەدى ول.

سوڭعى جاڭالىقتار