ەلوردادا ساعات 23.00 دەن كەيىن جۇرۋگە تىيىم سالىنعانى راس پا؟

نۇر-سۇلتان. قازاقپارات - ەلوردادا تۇرعىندارى مەن قالا مەيماندارىنا بۇگىننەن باستاپ تۇنگى 23.00 دەن كەيىن جاياۋ جۇرۋگە تىيىم سالىناتىنى تۋرالى بۇعان دەيىن اقپارات تاراعان بولاتىن.

قالا اكىمدىگى بۇل اقپاراتتىڭ جالعان ەكەنىن جاريا ەتتى، دەپ حابارلايدى قازاقپارات ءتىلشىسى.

«ساعات تۇنگى 23.00 دەن كەيىن جاياۋ ءجۇرۋدى شەكتەۋ تۋرالى باپ جوق. تەك شىنايى ءارى رەسمي حابارلاماعا سەنۋگە شاقىرامىز. 2020-جىلدىڭ 3- شىلدەسىندە جاريالانعان بۇرىنعى قاۋلى ەرەجەلەرى 2020-جىلدىڭ 2- تامىزىنا دەيىن كۇشىندە بولادى. سونىمەن بىرگە قالاداعى قوعامدىق كولىكتەردىڭ جۇمىسى ازىرگە جاندانبايدى»، - دەپ حابارلادى اكىمدىكتەن.

«2020-جىلدىڭ 3- شىلدەسىندە جاريالانعان بۇرىنعى قاۋلى ەرەجەلەرى 2020-جىلدىڭ 2- تامىزىنا دەيىن كۇشىندە بولادى. سونىمەن بىرگە قالاداعى قوعامدىق كولىكتەردىڭ جۇمىسى ازىرگە جاندانبايدى»، - دەپ حابارلادى اكىمدىكتەن.

ەسكە سالا كەتسەك، كەشە نۇر-سۇلتان قالاسىنىڭ اكىمدىگى ەلورداداعى قوعامدىق كولىكتىڭ جۇمىسى ازىرگە جاندانبايتىنىن حابارلاعان ەدى.

«قاتاڭ كارانتيندىك شارالاردىڭ ۇزارتىلۋىنا بايلانىستى، ەلورداداعى قوعامدىق كولىك جۇمىسى ازىرگە جاندانبايدى. باعىتتار تۋرالى جولعا شىعار الدىندا قوسىمشا حابارلايمىز»، - دەپ حابارلادى اكىمدىكتەن.