+7 (701) 759 90 19
0 °С : نۇر-سۇلتان
8 °С : الماتى
USD 445.84 EUR 490.47
RUB 5.73 CNY 62.87
جاڭالىقتار

ەلوردادا قوعامدىق كولىكتەر نەلىكتەن 23.00 گە دەيىن عانا جۇرەدى - كومپانيا باسشىسىنىڭ جاۋابى

27 اقپان 15:45
:ءبولىسۋ
ەلوردادا قوعامدىق كولىكتەر نەلىكتەن 23.00 گە دەيىن عانا جۇرەدى - كومپانيا باسشىسىنىڭ جاۋابى

نۇر-سۇلتان. قازاقپارات - City Transportation Systems (بۇرىنعى «استانا LRT» ) كومپانياسىنىڭ باسشىسى بەكمىرزا يگەنبەردينوۆ نۇر-سۇلتان قالاسىنداعى قوعامدىق كولىكتەر نەلىكتەن 23.00 گە دەيىن عانا جۇرەتىنىن ءتۇسىندىرىپ بەردى، دەپ حابارلايدى قازاقپارات ءتىلشىسى.

«ءبىزدىڭ كومپانيادا قوزعالىستى 12:30 دا دا اياقتايتىن اۆتوبۋستار بار. ەكونوميكاعا قاراۋ كەرەك. 2017 -جىلى جاڭا باعدارلاردى ىسكە قوسقانىمىز ەستەرىڭىزدە بولار. پىكىرلەر كوپ ەدى. ەكسپو كەزىندە قالا ىشىندەگى قوزعالىس ۇدەپ كەتتى. الايدا ءىس جۇزىندەگى تاجىريبە قوعامدىق كولىككە تۇنگى بىردە ادامدار وتە سيرەك وتىراتىنىن كورسەتتى. پارك قىپ-قىزىل شىعىنعا جۇمىس ىستەۋى مۇمكىن»، - دەدى بەكمىرزا يگەنبەردينوۆ «ەلورداداعى قوعامدىق كولىك كەشەنىن دامىتۋ: كەشە، بۇگىن، ەرتەڭ» اتتى كورمە-كونفەرەنسياسىندا.

كومپانيا باسشىسىنىڭ ايتۋىنا قاراعاندا، بىرنەشە ادامدى عانا قوعامدىق كولىكپەن الىپ ءجۇرۋ ەشقانداي تابىس اكەلمەيدى.

«تيىسىنشە ءبىرقاتار باعداردىڭ تۇنگى 24:00 نەمەسە بىرگە دەيىن قوزعالىس ۋاقىتىن ۇزارتۋ تۋرالى ايتىپ بەرەيىن. اۋدان اكىمدىكتەرىمەن بۇل باعىتتا تالداۋ جۇمىستارىن جۇرگىزىپ جاتىرمىز. كەستەنى قوسۋ كەرەكتىگىن تۇسىنەمىز. ەگەر بەلگىلى ءبىر اۆتوبۋس قوزعالىستى تۇنگى 23.00 دە توقتاتىپ تاستاسا، دەگەنمەن ول باعدارعا سۇرانىس بولسا قوسىمشا كەستە قوسۋ تۋرالى ماسەلەنى كوتەرىپ، تۇنگى 00.15 ۋاقىتىنا دەيىن اۆتوبۋستار جۇرەتىندەي ءتارتىپ ەنگىزۋ تۋرالى ايتا الامىز»، - دەدى سپيكەر.

سونىمەن قاتار بەكمىرزا يگەنبەردينوۆ قازىرگى ۋاقىتتا جۇرگىزۋشىلەردىڭ جەتىسپەي جاتقانىن ايتادى.

«ءۇش اۋىسىمدى جۇمىس ءتارتىبى تۋرالى ايتار بولساق، 700 گە تارتا جۇرگىزۋشى جەتىسپەيدى. پروبلەمانىڭ اۋقىمى ۇلكەن. كەيىنگى 10 جىلدا مامانداندىرىلعان D ساناتىنداعى جۇرگىزۋشىلەردى دايارلاۋ فورماتىن جوعالتىپ الدىق. وسىدان بارىپ كاسىبي جۇرگىزۋشىلەردى تابۋ قيىنعا ءتۇسىپ بارادى. بىلىكتىلىك ورتالىعىنان كوپتەگەن ادام كەلىپ جاتقانىمەن كوبى قاراپايىم عانا ەرەجەلەر بويىنشا سىننان وتە الماي جاتىر. باسقا قالالاردان كەلەتىن كاسىبي ماماندار بار دەسەك تە، ولاردىڭ كوبىنىڭ ىڭعايىنا ءبىزدىڭ ترافيك كەلە بەرمەيدى. سەبەبى كوبى ءوز قالاسىنداعى تىنىش رەجىمگە ۇيرەنىپ قالعان»، - دەيدى ول.

بەكمىرزا يگەنبەردينوۆ 2022 -جىلعا قاراي اۆتوبۋس پاركتەرى جاڭارتۋ ءۇشىن 500 گە تارتا اۆتوبۋستىڭ كەرەكتىگىن ايتىپ ءوتتى.


باستى سوزدەر: قوعام, استانا,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات