گيمناستيكادان سپورت شەبەرى ايان مولداعاليەۆ 22 جاسىندا ومىردەن ءوتتى

None
Фото: Instagram / sportbasqarmasy_kst
استانا. قازاقپارات - قازاقستاننىڭ سپورت شەبەرى، سپورتتىق گيمناستيكادان ەل قۇراماسىنىڭ مۇشەسى ايان مولداعاليەۆ 22 جاسىندا دۇنيە سالدى، دەپ حابارلايدى قازاقپارات.

جاس سپورتشى 6-ماۋسىمدا ومىردەن وتكەن. بۇل جايلى قوستاناي وبلىسىنىڭ سپورت باسقارماسىنان ءمالىم ەتتى.

ول سپورت مانسابىندا ايتارلىقتاي جەتىستىكتەرگە جەتتى.

ايان سپورت گيمناستيكاسىنداعى جولىن 2007 -جىلى باستاعان. تالاي جارىستارعا قاتىسىپ، قازاقستان رەسپۋبليكاسىنىڭ بىرنەشە دۇركىن چەمپيونى اتاندى.

حالىقارالىق تۋرنيرلەردە دە جەڭىسكە جەتىپ، جوعارى كاسىبي دەڭگەيىن دالەلدەدى.

2018 -جىلى ايان يندونەزيادا وتكەن جاستار اراسىنداعى ازيا چەمپيوناتىندا قولا جۇلدەگەر اتاندى.

سونداي- اق 2018 -جىلى ارگەنتينادا وتكەن جاسوسپىرىمدەر اراسىنداعى وليمپيادا ويىندارىنا قاتىستى.

«ونىڭ وسى بەدەلدى ءىس- شارالارعا قاتىسۋى - تاماشا سپورتتىق شەبەرلىگى مەن گيمناستيكاعا بەرىلگەندىگىنىڭ ايعاعى. ايان قازاقستان ۇلتتىق قۇراماسىنىڭ دا مۇشەسى بولدى. ونىڭ تالانتى، ەڭبەكقورلىعى مەن سپورتقا دەگەن ادالدىعى قازاقستاننىڭ كوركەم گيمناستيكا تاريحىندا وشپەس ءىز قالدىرادى. ونىڭ ەسىمى جانە جەتىستىكتەرى ونى كورنەكتى سپورتشى جانە سپورتقا بەرىلگەندىكتىڭ ۇلگىسى رەتىندە بىلەتىن جانە قۇرمەتتەيتىندەردىڭ جۇرەگىندە ماڭگى ساقتالسىن. اياننىڭ وتباسىنا، دوستارىنا جانە بارشا جانكۇيەرلەرىنە قايعىرىپ كوڭىل ايتامىز» دەلىنگەن باسقارما تاراتقان حابارلامادا.

سوڭعى جاڭالىقتار