وزگەشە ءومىر ءسۇرۋدىڭ 22 قاعيداسى
الايدا كەيبىر ادامدار وزىنشە ءومىر سۇرەتىنەن دە كۇندە كورىپ ءجۇرمىز. دەمەك ولاردىڭ وزگەشەلىگى بار ارينە. مۇمكىن سىزگە دە كۇندەلىكتى ومىردە كەيبىر ماسەلەلەردى قايتا قاراۋ كەرەك شىعار. وقىپ كورىڭىز.
1. وركەنيەت ۇزاعان بۇگىنگى قوعامدا ءبىر تىلمەن شەكتەلىپ قالۋعا بولمايدى. ءوز ءتىلىڭدى ۇمىتپا، ءبىراق بىرنەشە ءتىل بىلگەننىڭ پايداسى وتە زور. ويتكەنى مۇمكىندىك مەن الەمدىك كەڭىستىك اشىلادى. سوندىقتان بارىنشا كوپ ءتىل بىلۋگە ۇمتىل.
2. ارتىق ىستەردەن ارىل، جامان ادەتتەن بويىڭدى اۋلاق سال، بوس ءسوزدىڭ ءتىپتى كەرەگى جوق.
3. ۋاقىتىڭدى بوسقا الاتىن كومپيۋتەرلىك ويىنداردىڭ تۇككە دە كەرەگى جوق. كومپيۋتەرلىك ويىنعا قۇمارلىق ادامنىڭ وي ساناسىن تۇمشالايدى. باسقا دا قۇمار ويىندارعا اۋەستەنىپ كەتۋىڭ مۇمكىن.
4. فاستفۋد ونىمدەردى جەۋدەن ارىل. دۇرىس تاماقتانۋدىڭ جولىن ىزدە.
5. تاڭعى جاتتىعۋدى جاسا، كۇنى بويى سەرگەك جۇرەسىڭ.
6. كۇن سايىن بەلگىلى ءبىر ۋاقىتتا ۇيىقتاۋعا تىرىس.
7. تاماقتى دا بەلگىلى ءبىر ۋاقىتتا ىشكەن دۇرىس. «قارنىم اشىپ قالادى» دەگەن قوماعايلىق ارەكەتتەن ارىلعان ءجون.
8. كۇندە 8 ساعات ۇيىقتاۋعا داعدىلان. بۇل كۇندىز اعزاڭىزدىڭ سەرگەك، شارشاماي جۇرۋىنە اسەرىن تيگىزەدى.
9. اقشاڭىزدى ۇنەمدەپ ءجۇرۋدى ادەتكە اينالدىرىڭىز. اركەز ساياحات جاساۋعا قارجى قالدىرىپ وتىرىڭىز. باسقا ەلگە بارۋ ءسىزدىڭ دۇنيەتانىمىزدى كەڭەيتەدى.
10. ۇنەمى جاقسى، جاعىمدى نارسە تۋرالى عانا ويلانىڭىز. ءاردايىم كۇلىمدەپ ءجۇرىڭىز.
11. ءوزىڭىزدىڭ جەتىستىكتەرىڭىز جايلى ءجيى كۇندەلىك جازىڭىز. كەشكە قاراي وعان تاعى ءبىر قاراپ قويۋدى ۇمىتپاڭىز. كىشكەنتاي قۋانىشىڭىزدىڭ ءوزى - ۇلكەن ناتيجە.
12. ءومىرىڭىزدى وزگەرتەتىن كىتاپ وقىعانىڭىز ابزال.
13. كۇنىنە ءبىر - ەكى ساعات ينتەرنەت قاراساڭىز، سونىڭ ءوزى دە جەتەدى.
14. تاماق ىشەردەن 10-15 مينۋت بۇرىن ءبىر ستاكان سۋ ىشكەنىڭىز دۇرىس. ال كۇنىنە 2 ليتر سۋ ءىشىڭىز. بۇل اعزاڭىزدىڭ ىشكى جۇمىس پروتسەسىن جاقسارتادى. مۇنى داعدىعا اينالدىرساڭىز، اۋرۋ- سىرقاۋدان دا اۋلاق بولاسىز.
15. ءوز دەنە بىتىمىڭىزگە ءبىر قاراپ قويىڭىز. ارتىق سالماقتان ارىلعانىڭىز ءجون- اۋ.
16. اق قاعازعا كۇندەلىكتى نە ىستەۋ قاجەتتىگىن جازىپ ءجۇرىڭىز. قاجەتى جوق نارسەلەردى دە ءتۇرتىپ قويۋدى ۇمىتپاڭىز. بۇل ءومىر ءسۇرۋدى جەڭىلدەتەدى.
17. دۇرىس سويلەۋگە ۇيرەنىڭىز. ارتىق سوزدەردىڭ ەش كەرەگى جوق.
18. كۇن سايىن ءبىر رەت بولسا دا، قايىرىمدىلىق جاساپ تۇرىڭىز. قايىرىمدىلىق جاساساڭ، وزىڭە قايتادى. جاقسىلىقتى دا جاراتقان يەم كورىپ تۇر.
19. كۇن سايىن جەمىس، كوكونىس جەڭىز. ماكارون مەن كارتوپ جەي بەرۋدەن جالىققان جوقسىز با؟!
20. جاعىمسىز ارەكەتتەن ارىلىڭىز. ىشىمدىك، تەمەكى، سىرا ءىشۋ ءسىزدىڭ دەنساۋلىعىڭىزدى قۇرتادى. جايسىز ءومىر سىزگە جايلىلىق اكەلمەيدى.
21. باسقا ادامدار تۋرالى تەك قانا جاقسىلىق ويلاڭىز. ءتىپتى جاعىمدى جاڭالىققا قۋانا ءبىلىڭىز. جانىڭداعى ادامنىڭ قۋانىشىن ءبولىسىپ، وعان العىس ايتىپ وتىرساڭىز، ارتىقتىق ەتپەيدى. بۇل جاعىمپازدىق ەمەس. مۇنى ءومىر ءسۇرۋ سالتىنا اينالدىرىڭىز.
22. ۇيدەگى كورنەكتى ورىنعا ماقساتىڭىزدى ايقىندايتىن كارتينا ءىلىپ قويىڭىز. كوز تۇسسە، كوڭىل دە كوتەرىلەتىنىن ۇمىتپاڭىز.
ايقىن گازەتى