اپتاپ، نايزاعاي، شاڭدى داۋىل: 22-شىلدەگە ارنالعان اۋا رايى
اتموسفەرالىق فرونتتارعا بايلانىستى ەلىمىزدىڭ باسىم بولىگىندە جاڭبىر جاۋادى، نايزاعاي وينايدى. وڭتۇستىك- شىعىستىڭ جانە شىعىستىڭ كەي جەرلەرىندە بۇرشاق كۇتىلەدى.
رەسپۋبليكا بويىنشا كەي جەرلەردە جەل كۇشەيەدى. وڭتۇستىكتە جانە وڭتۇستىك- شىعىستا شاڭدى داۋىل سوعادى. سولتۇستىكتە جانە وڭتۇستىك- باتىستا جاۋىن- شاشىن جاۋمايدى.
سولتۇستىكتە تۇنگى جانە تاڭعى ۋاقىتتا تۇمان تۇسەدى. شىعىس قازاقستان، قاراعاندى وبلىستارىنىڭ كەي جەرلەرىندە جەل ەكپىنى 15-20 م/س دەيىن كۇشەيەدى، شىعىس قازاقستان وبلىسىنىڭ كەي جەرلەرىندە كۇندىز بۇرشاق جاۋادى.
جامبىل وبلىسىندا، كۇندىز قىزىلوردا وبلىسىنىڭ كەي جەرلەرىندە جەل قارقىنى - 15-20 م/س. شاڭدى داۋىل سوعادى. جامبىل وبلىسىنىڭ تاۋلى اداندارىندا كۇندىز بۇرشاق جاۋادى.
الماتى، باتىس قازاقستان، قوستاناي وبلىستارىنىڭ كەي جەرلەرىندە جەل جىلدامدىعى 15-20 م/س جەتەدى. قوستاناي وبلىسىنىڭ كەي جەرلەرىندە داۋىل تۇرادى.
سولتۇستىك قازاقستان وبلىسىنىڭ كەي جەرلەرىندە تۇندە جانە تاڭەرتەڭ تۇمان تۇسەدى. كۇندىز اقتوبە، اتىراۋ، باتىس قازاقستان، ماڭعىستاۋ وبلىستارىنىڭ باسىم بولىگىندە اپتاپ ىستىق ساقتالادى. الماتى، جامبىل، قوستاناي وبلىستارىندا، قاراعاندى وبلىسىنىڭ وڭتۇستىگىندە قاتتى ىستىق بولادى. قىزىلوردا، تۇركىستان، ماڭعىستاۋ، جامبىل وبلىستارىنىڭ باسىم بولىگىندە، الماتى، اتىراۋ، باتىس قازاقستان، اقتوبە، قوستاناي، قاراعاندى، اقمولا وبلىستارىنىڭ كەي جەرلەرىندە، شىعىس قازاقستان وبلىسىنىڭ وڭتۇستىگىندە توتەنشە ءورت قاۋپى ساقتالادى.