15:28, 16 - ماۋسىم 2021 | GMT +6
تالدىقورعاندا 22 جاستاعى جىگىت اعاسىن بىرنەشە جەردەن پىشاقتاپ تاستاعان
تالدىقورعان. قازاقپارات- تالدىقورعاندا 22 جاستاعى تۇرعىن اعاسىن بىرنەشە جەردەن پىشاقتاپ تاستاعان. ۇستالعان كۇدىكتى پسيحونيەۆرولوگيالىق ديسپانسەردە ەسەپتە تۇرعان، دەپ حابارلايدى قازاقپارات ءتىلشىسى.
«11- ماۋسىم كۇنى تالدىقورعان قالاسىنداعى كوپسالالى اۋرۋحاناعا 47 جاستاعى ازامات كوپتەگەن پىشاق جاراقاتىمەن تۇسكەن. تالدىقورعانعا قاراستى وتەناي اۋىلىنىڭ تۇرعىنىن ءوزىنىڭ ءىنىسى پىشاقتاعان. تەكسەرۋ بارىسىندا 22 جاستاعى كۇدىكتىنىڭ پسيحونيەۆرولوگيالىق ديسپانسەردە ەسەپتە تۇرعانى انىقتالدى»، - دەپ مالىمدەدى الماتى وبلىستىق پوليتسيا دەپارتامەنتىنىڭ باسپا ءسوز قىزمەتىنەن.
قازىر وسى فاكتى ق ر ق ك 106 بابى 1 - بولىگى بويىنشا تىركەلىپ، سوتقا دەيىنگى تەرگەۋ ءجۇرىپ جاتىر. «وزگە اقپارات تەرگەۋ قۇپيالىعىنا بايلانىستى جاريالانبايدى»، - دەپ تولىقتىردى اتالعان ۆەدومستۆونىڭ باسپا ءسوز قىزمەتىنەن.
اۆتور: سامال قابىشيەۆا