قازاقپارات كۇنتىزبەسى: 22- قاڭتار
ەستە قالار وقيعالار
1992-جىلى الماتىدا قازاقستان رەسپۋبليكاسى مەن موڭعوليا اراسىندا ديپلوماتيالىق قارىم-قاتىناس ورناتۋ تۋرالى حاتتاماعا قول قويىلدى.
1993 -جىلى ەلباسى ن. ءا. نازاربايەۆتىڭ جارلىعىمەن قازاقستان عىلىم اكادەمياسىنىڭ اتاۋى ۇلتتىق عىلىم اكادەمياسى بولىپ وزگەرتىلىپ، رەسپۋبليكالىق جوعارى عىلىمي مەكەمە مارتەبەسى بەرىلدى.
2010 -جىلى الماتىدا قازاق ۇلتتىق ونەرىن وركەندەتۋ جولىندا ەرەن ەڭبەگىمەن تانىلعان قىلقوبىزشى-پەداگوگ، ءبىلىم جانە عىلىم مينيسترلىگىنىڭ قۇرمەتتى قىزمەتكەرى ءابدىماناپ جۇمابەك ۇلىنىڭ ءۇش تومدىق «قىلقوبىزعا ارنالعان حرەستوماتيالار» جيناعىنىڭ ءبىرىنشى تومىنىڭ تانىستىرىلىمى بولدى.
2011 -جىلى دۇنيەجۇزىلىك دوپينگكە قارسى اگەنتتىك الماتىداعى دوپينگ-سىناما جۇرگىزەتىن جاڭا زەرتحانانىڭ اككرەديتاتسياسىن ماقۇلدادى. زەرتحانا پروتسەدۋرادان تابىستى ءوتىپ، 2011-جىلدان باستاپ جۇمىس ىستەپ كەلەدى.
2013 -جىلى «باتىس ەۋروپا-باتىس قىتاي» كولىك ءدالىزىن سالۋ بارىسىندا جۇرگىزىلگەن قازبا ناتيجەسىندە ءبىزدىڭ داۋىرگە دەيىن ەكىنشى مىڭجىلدىققا جاتاتىن كومبەلەر تابىلدى (التىن، قولادان بۇيىمدار، اعاش استاۋ، كەراميكالىق ىدىستار جانە باسقا). تابىلعان جادىگەرلەر ق ر مادەنيەت جانە اقپارات مينيسترلىگىنە بەرىلدى.
2013 -جىلى شىمبۇلاق كۋرورتىندا ەڭ بيىك تاۋلى ارقاندى پارك رەتىندە گيننەستىڭ رەكوردتار كىتابىنا ەنۋدى جوسپارلاپ وتىرعان «Kazakh alpine park» ءبىرىنشى كاسىبي ارقاندى پاركتىڭ اشىلۋى ءوتتى. بۇكىل الەمدە تەڭىز دەڭگەيىنەن 2250 مەتر بيىكتىكتە مۇنداي قۇرىلىستى ەشكىم جاساعان جوق.
2014 -جىلى الماتىدا حالىق جازۋشىسى، اقىن قادىر مىرزاليەۆكە ارنالعان مەموريالدىق تاقتا ورناتىلدى. قادىر مىرزاليەۆ 50 دەن استام ولەڭدەر جيناعىنىڭ، ادەبي، سىني جانە بالالار كىتاپتارىنىڭ، سونىمەن قاتار 200 دەن استام ءان ماتىندەرىنىڭ اۆتورى. ونىڭ كوپتەگەن ولەڭدەرى ورىس، اعىلشىن، فرانسۋز، فين، ليتۆا، قىرعىز، تاتار جانە الەمنىڭ باسقا تىلدەرىنە اۋدارىلعان.
2015 -جىلى شىڭجاڭ-ۇيعىر اۆتونوميالىق ولكەسىنىڭ التاي وكرۋگىندە قازاق حالىق مەديتسيناسى مەن ۇلتتىق ات سپورتى ويىندارى مەملەكەتتىك ساناتتاعى ماتەريالدىق ەمەس مادەني مۇرانىڭ كەڭەيتىلگەن وكىلدى تىزىمىنە رەسمي ەنگىزىلدى.
2016 -جىلى قازاقستان رەسپۋبليكاسىندا ءبىرتۇتاس سوت پراكتيكاسىن قالىپتاستىرۋعا مۇمكىندىك بەرەتىن سوت ءىسىنىڭ ءبىرىڭعاي جىكتەۋىشى قۇرىلدى، بۇل ءوز كەزەگىندە زاڭ ۇستەمدىگىن قامتاماسىز ەتۋدىڭ ماڭىزدى شارتى سانالادى.
2019 -جىلى يتاليانىڭ ءىرى استىق ەگەتىن كومپانيالارى قاتتى بيدايدىڭ جاڭا سورتتارىن شىعارۋعا رەسپۋبليكالىق اۋقىمدا داۋسىز كوشباسشى بولىپ تابىلاتىن ا. ي. بارايەۆ اتىنداعى استىق شارۋاشىلىعى عىلىمي-وندىرىستىك ورتالىعىنا تاپسىرىس بەردى.
2018 -جىلى كاسىپورىنداعى جازدىق ءبيدايدىڭ ونىمدىلىگى - 22,5 ت س/گ ا. دالمە-ءدال ەگىنشىلىك پوليگوندارى بويىنشا ورتاشا ونىمدىلىك 25,9 ت س/گ ا بولسا، ءداستۇرلى ەگىنشىلىك تەحنولوگياسىمەن ەگىلگەن ەگىننىڭ ونىمدىلىگى 18,7 ت س/گ ا قۇرادى. اۋدان مەن وبلىس بويىنشا ورتاشا ونىمدىلىك سايكەسىنشە 12,2 جانە 12,7 ت س/گ ا بولدى.
2020-جىلى مينسك قالاسىندا ت م د عارىش جونىندەگى مەملەكەتارالىق كەڭەستىڭ ءبىرىنشى وتىرىسى ءوتتى. رەسەي، بەلارۋس، قازاقستان، ارمەنيانىڭ عارىش سالاسى باسشىلارىنىڭ، ت م د اتقارۋشى كوميتەتى، ەۋرازيالىق ەكونوميكالىق كوميسسيا وكىلدەرىنىڭ قاتىسقان ت م د عارىش جونىندەگى مەملەكەتارالىق كەڭەسى وتىرىسىنىڭ كۇن تارتىبىندە گلوناسس (جاھاندىق ناۆيگاتسيالىق سپۋتنيكتىك جۇيە) جۇيەسىنىڭ سيگنالدارىن پايدالاناتىن جەرۇستى ينفراقۇرىلىمدارىن ينتەگراتسيالاۋ بويىنشا ىنتىماقتاستىق، عارىش سالاسىنداعى بىرلەسكەن جوبالاردى ىسكە اسىرۋ ماسەلەسى قارالدى.
عارىش جونىندەگى مەملەكەتارالىق كەڭەستىڭ ەكىنشى وتىرىسىن قازاقستاندا وتكىزۋ جوسپارلانىپ وتىر.
2020-جىلى «استانا وپەرادا» ابايدىڭ 175 جىلدىق مەرەيتويىنىڭ رەسمي اشىلۋى زور جەتىستىكپەن ءوتتى. تەاتردىڭ ۇلى اقىن، فيلوسوف، اعارتۋشىعا ارناعان ءىس-شارالارىنىڭ العاشقىسى احمەت جۇبانوۆ، لاتيف حاميديدىڭ ايگىلى «اباي» وپەراسى بولدى.