ەكپىندى جەل، بۇرقاسىن: 22- قاڭتار كۇنگى اۋا رايى بولجامى
ەلدىڭ وڭتۇستىگى مەن وڭتۇستىك-شىعىسىندا جاڭبىر مەن قار تۇرىندە جاۋىن-شاشىن بولجانادى. رەسپۋبليكانىڭ كەي جەرلەرىندە تۇمان، كوكتايعاق، جاياۋ بۇرقاسىن، ەكپىندى جەل ساقتالادى. وڭتۇستىك، وڭتۇستىك-شىعىستا جەلدىڭ جىلدامدىعى 30 م/س جانە ودان اسۋى ىقتيمال، دەپ حابارلايدى قازاقپارات.
«قازگيدرومەت» ر م ك مالىمەتىنە سايكەس، جامبىل، تۇركىستان وبلىستارىنىڭ كەي جەرلەرىندە تۇمان، بۇرقاسىن، كوكتايعاق بولادى. جەلدىڭ ەكپىنى 23-28 م/س، جەكەلەگەن اۋدانداردا 30 م/س جانە ودان جوعارى بولۋى مۇمكىن.
شىعىس قازاقستان وبلىسىنىڭ كەي جەرلەرىندە بۇرقاسىن، تۇمان، كوكتايعاق كۇتىلەدى. جەلدىڭ كۇشى 23-28 م/س، جەكەلەگەن اۋدانداردا 30 م/س جانە ودان جوعارى كۇشەيۋى ىقتيمال.
قاراعاندى وبلىسىنىڭ كەي جەرلەرىندە جاياۋ بۇرقاسىن، تۇمان بولادى. جەلدىڭ ەكپىنى 25 م/س ارتادى. الماتى وبلىسىنىڭ كەي جەرلەرىندە تۇمان، كوكتايعاق، كۇندىز جەلدىڭ كۇشى 25 م/س جەتۋى ىقتيمال.
اقمولا، قوستاناي، قىزىلوردا وبلىستارىنىڭ كەي جەرلەرىندە جاياۋ بۇرقاسىن، تۇمان بولادى. قىزىلوردا، كۇندىز اقمولا وبلىستارىنىڭ كەي جەرلەرىندە جەل 15-20 م/س كۇشەيەدى.
سولتۇستىك قازاقستان، پاۆلودار، باتىس قازاقستان، اتىراۋ وبلىستارىنىڭ كەي جەرلەرىندە تۇمان بولجانادى.
اتىراۋ وبلىسىندا كۇندىز كەي جەرلەردە كوكتايعاق، پاۆلودار وبلىسىندا كۇندىز كەي جەرلەردە جاياۋ بۇرقاسىن، جەل 15-20 م/س كۇشەيەدى.