+7 (701) 759 90 19
16 °С : نۇر-سۇلتان
19 °С : الماتى
USD 413.12 EUR 452.86
RUB 5.82 CNY 57.92
جاڭالىقتار

قازاقپارات كۇنتىزبەسى: 22- مامىر

22 مامىر 07:07
:ءبولىسۋ
قازاقپارات كۇنتىزبەسى: 22- مامىر

نۇر-سۇلتان. قازاقپارات - قازاقپارات وقىرماندارعا 2020-جىلعى 22- مامىرعا ارنالعان كۇنتىزبەنى ۇسىنادى.

اتاۋلى كۇندەر

حالىقارالىق بيولوگيالىق ءارالۋاندىق كۇنى

ب ۇ ۇ باس اسسامبلەياسى تاراپىنان بۇل كۇن العاش رەت 1995-جىلى ارنايى رەزوليۋتسيامەن بەلگىلەنگەن.

باستاپقىدا بۇل اتاۋلى كۇن 29- جەلتوقساندا اتاپ وتىلەتىن. 2001-جىلدىڭ اقپان ايىنداعى ب ۇ ۇ باس اسسامبلەياسىنىڭ رەزوليۋتسياسىنا سايكەس، 22- مامىر حالىقارالىق بيولوگيالىق ءارالۋاندىق كۇنى دەپ جاريالاندى.

قازاقستاننىڭ ەكولوگيالىق جۇيەسى بىرەگەي بيولوگيالىق ارالۋاندىعىمەن ەرەكشەلەنەدى. جالپى قازاقستاندا وسىمدىكتەردىڭ 15 مىڭداي ءتۇرى بار. ونىڭ 2 مىڭنان استامى بالدىرلار، 5 مىڭعا جۋىعى ساڭىراۋقۇلاقتار، 600 گە جۋىعى قىنالار، 500 گە جۋىعى مۇك تارىزدىلەر جانە 6 مىڭنان استامى جوعارى ساتىداعى تۇتىكتى وسىمدىكتەر.

جوعارى ساتىداعى وسىمدىكتەردىڭ ءتۇر بايلىعى، ينترودۋكتسيالانعان، مادەني داقىلدار مەن كەزدەيسوق اكەلىنگەن 500 دەن اسا تۇرلەرىن قوسپاعاندا، 6 مىڭنان استام تۇردەن تۇرادى. ونىڭ ىشىندە 730 ءتۇرى تەك قازاقستاندا وسەتىن - ەندەميكتەر. قازاقستان جانۋارلارعا دا وتە باي.

سۇتقورەكتىنىڭ 180، قۇستىڭ 500، باۋىرىمەن جورعالاۋشىلاردىڭ 52، قوس مەكەندىلەردىڭ 12، بالىقتىڭ 104 كە جۋىق ءتۇرى مەكەن ەتەدى.

ال ومىرتقاسىز جاندىكتەر، شايان تارىزدىلەر، ۇلۋلار، قۇرتتار بۇدان دا كوپ. تەك جاندىكتەر تۇرلەرىنىڭ ءوزى 30 مىڭنان اسادى.

قازاقستاننىڭ بيولوگيالىق ءارالۋاندىلىعىن ساقتاۋ ماقساتىندا 1994-جىلى بيولوگيالىق ءارالۋاندىق جونىندەگى كونۆەنتسيا بەكىتىلىپ، بيولوگيالىق ءارالۋاندىلىق بالانسىن پايدالانۋ جانە ساقتاۋ جونىندەگى ءىس-ارەكەتتەر جوسپارى مەن ۇلتتىق ستراتەگيا جاسالدى.

ەستە قالار وقيعالار

1992-جىلى قازاقستان رەسپۋبليكاسى UNESCO (United Nations Educational، Scientific and Cultural Organization) قۇرامىنا 164 ءى مەملەكەت بولىپ كىردى.

2006-جىلى قازاقستان رەسپۋبليكاسىنىڭ بىرىككەن اراب امىرلىكتەرىمەن ديپلوماتيالىق قاتىناستارىن نىعايتۋ ماقساتىندا ءابۋ-دابي قالاسىندا قازاقستان رەسپۋبليكاسىنىڭ ەلشىلىگى اشىلدى.

2012-جىلى نيۋ-يوركتىڭ ورتالىق كوشەلەرىندە تۇركى حالىقتارىنىڭ جىل سايىنعى شەرۋى ءوتتى. قازاقستاندىقتار بۇل شاراعا العاش رەت قاتىستى. شەرۋ ونىڭ قاتىسۋشىلارى - تۋىستاس حالىقتار وكىلدەرىنە وزدەرىنىڭ تۋلارىن ۇستاپ ءوتىپ، ۇلتتىق كيىمدەرىن كورسەتۋگە مۇمكىندىك بەردى.

2013-جىلى ەلباسى نۇرسۇلتان نازاربايەۆ عالىمدارعا ارنالعان ءال-فارابي اتىنداعى مەملەكەتتىك سىيلىقتى تاعايىندادى. ول جىل سايىن 7 اتالىم بويىنشا تاپسىرىلادى.

2013-جىلى دامۋ ينستيتۋتتارىن، قارجى ۇيىمدارىن باسقارۋ جۇيەسىن وڭتايلاندىرۋ جانە ۇلتتىق ەكونوميكانى دامىتۋ ماقساتىندا «بايتەرەك» ۇلتتىق باسقارۋشى حولدينگى» ا ق قۇرىلدى. ونىڭ نەگىزگى قىزمەتى - وزىنە مەنشىكتى جانە سەنىمدى باسقارۋعا بەرىلگەن ۇلتتىق دامۋ ينستيتۋتتارىنىڭ، ۇلتتىق كومپانيالاردىڭ جانە باسقا دا زاڭدى تۇلعالاردىڭ اكتسيالىق پاكەتتەرىن (قاتىسۋ ۇلەستەرىن) قاداعالاۋ.

2014-جىلى س. سەيفۋللين اتىنداعى قازاق اگروتەحنيكالىق ۋنيۆەرسيتەتى ت م د- نىڭ 8 ەلى اراسىندا ونەرتابىستار بويىنشا ۇزدىك جوعارى وقۋ ورنى دەپ تانىلدى. ەۋرازيالىق كەڭەستىڭ شەشىمىمەن جوو رەكتورى اقىلبەك كۇرىشبايەۆقا التىن مەدال تابىس ەتىلدى. س. سەيفۋللين اتىنداعى قازاتۋ - ەۋرازيا پاتەنتتەۋ ۇيىمىنىڭ ۆ. ي. بليننيكوۆ اتىنداعى «ونەرتابىستار جانە پاتەنتتەۋ ىسىنە قوسقان ۇلەسى ءۇشىن» التىن مەدالىن العان قازاقستانداعى جالعىز جوعارى وقۋ ورنى.

2014-جىلى قازاقستان رەسپۋبليكاسى تۇراقتى دامۋ جونىندەگى ازيا-تىنىق مۇحيتى فورۋمىنىڭ ءتوراعاسى بولىپ سايلاندى.

ازيا- تىنىق مۇحيتى فورۋمى دامۋ ماسەلەلەرى بويىنشا وڭىرلىك ديالوگقا جاردەمدەسۋ ماقساتىندا بىرىككەن ۇلتتار ۇيىمىنىڭ ازيا مەن تىنىق مۇحيتى ەلدەرىنە ارنالعان ەكونوميكالىق جانە الەۋمەتتىك كوميسسياسىنىڭ (ەسكاتو) قولداۋىمەن وتكىزىلەدى.

2017-جىلى قازاقستان قۇراماسى العاش رەت ساداق اتۋدان الەم كۋبوگى كەزەڭىندە التىن مەدال جەڭىپ الدى. دەنيس گانكين، سانجار مۇسايەۆ جانە ويبەك سايديەۆ شاڭحايداعى ساداق اتۋدان «World Cup» سايىسىنىڭ جەڭىمپازدارى اتاندى.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات