+7 (701) 759 90 19
13 °С : نۇر-سۇلتان
19 °С : الماتى
USD 413.12 EUR 452.86
RUB 5.82 CNY 57.92
جاڭالىقتار

الماتىدا كوروناۆيرۋس جۇقتىرعان 22 ادامنىڭ جاعدايى اۋىر

21 مامىر 20:24
:ءبولىسۋ
الماتىدا كوروناۆيرۋس جۇقتىرعان 22 ادامنىڭ جاعدايى اۋىر

الماتى. قازاقپارات - بۇگىن الماتىدا COVID-19 ۆيرۋسىن جۇقتىرۋدىڭ جاڭادان 57 جاعدايى تىركەلدى. ونىڭ تورتەۋى وزدىگىنەن تەكسەرىلۋگە جۇگىنگەن ادامدار، دەپ حابارلايدى قازاقپارات ءتىلشىسى.

«پروفيلاكتيكالىق تەكسەرۋ كەزىندە ىندەت 14 ادامنان انىقتالسا، قالعاندارى كارانتيندە بولعاندار. ولارمەن جاقىن بايلانىس جاساعان بارلىق ازامات وقشاۋلاندىرىلدى. جالپى، مەگاپوليستە پاندەميا باستالعالى بەرى ۆيرۋستىڭ راستالعان 1966 جاعدايى تىركەلدى»، - دەيدى الماتى قالاسى قوعامدىق دەنساۋلىق ساقتاۋ باسقارماسىنىڭ باسشىسى تىلەۋحان ابىلدايەۆ.

قازىرگى ۋاقىتتا قالالىق جۇقپالى اۋرۋلار ستاتسيونارىندا كوروناۆيرۋس ينفەكسياسىنان 864 ناۋقاس ەم- دوم قابىلداپ جاتىر، ونىڭ 30 بالا. ەكى ناۋقاستىڭ جاعدايى - وتە اۋىر، 22 ادامدا - اۋىر، 240 ناۋقاستا اۋىرلىقتىڭ ورتاشا دارەجەسى، ال قالعاندارىنىڭ دەنساۋلىعى قاناعاتتانارلىق.

بۇگىنگى كۇنى پروۆيزورلىق گوسپيتالدا 196 ادام بار، 266 ادام كارانتيندە. 13299 ازامات ءۇي كارانتينىندە جاتىر. كەشەگى كۇنى 55 ادام قاۋىپتى ىندەتتەن جازىلىپ شىقتى. ونىڭ ىشىندە 28 ادام - مەديتسينا قىزمەتكەرلەرى، 1,5 جاس پەن 16 جاسقا دەيىنگى - 10 بالا، 68-73 جاستاعى ءۇش زەينەتكەر جانە قالعاندارى ورتا جاستاعى ازاماتتار. جالپى، شاھاردا پاندەميا باستالعالى بەرى قاۋىپتى ىندەتتەن 1092 ناۋقاس ساۋىعىپ شىقتى، بۇل % 56 قۇرايدى.

«قالادا كارانتين رەجيمى ءالى جالعاسۋدا. مەگاپوليس تۇرعىندارىنا، اسىرەسە، جوتەل، مۇرىننان سۋ اعۋ نەمەسە باسقا دا اۋرۋ سيمپتومدارى بولعان جاعدايدا بارلىق قاۋىپسىزدىك شارالارىن ۇستانۋ كەرەكتىگىن ەسكەرتەمىز. اتاپ ايتقاندا، بەتپەردە كيىپ، مۇمكىندىگىنشە حالىق كوپ جينالاتىن ورىندارعا بارماۋعا، قولدى ءجيى جۋىپ، ادامداردان كەم دەگەندە 2 مەتر قاشىقتىقتا ۇستاۋ كەرەكتىگىن ءوتىنىپ سۇرايمىز. بۇل ۇسىنىستاردى ورىنداي وتىرىپ، ءسىز اۋرۋدىڭ تارالۋ ءقاۋپىن تومەندەتەسىز. ەگەر سىزدە دەنە قىزۋى كوتەرىلىپ، جوتەل پايدا بولسا، تىنىس الۋ قيىنداي تۇسسە، مەديتسينالىق كومەككە جۇگىنىپ، جەدەل جاردەم شاقىرعانىڭىز ابزال»، - دەدى الماتى قالاسى قوعامدىق دەنساۋلىق ساقتاۋ باسقارماسىنىڭ باسشىسى تىلەۋحان ابىلدايەۆ.

اۆتور: الما مۇقانوۆا



باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات