شىعىس قازاقستاندا «اباي الەمى» جوباسى اياسىندا 22 كىتاپ جارىق كورەدى

None
None
سەمەي. قازاقپارات - شىعىس قازاقستان وبلىسىندا «اباي الەمى» جوباسى اياسىندا 22 كىتاپ شىعارىلماق، دەپ حابارلايدى قازاقپارات ءتىلشىسى.

2018 -جىلدان باستاپ سەمەي قالاسىنداعى اباي كىتاپحاناسىندا «رۋحاني جاڭعىرۋ» باعدارلاماسى اياسىندا «اباي الەمى» كىتاپتار توپتاماسى جوباسى قولعا الىنعان. مۇنداعى ماقسات - قازاق مادەنيەتى مەن ادەبيەتىنىڭ دامۋىنا ىقپال ەتۋ، وڭىردەن شىققان اقىن- جازۋشىلاردىڭ تۋىندىلارىن قايتا باسىپ شىعارۋ، جاستار اراسىندا دارىپتەۋ. بەس جىلعا ارنالعان جوبا 2018-2022 -جىلدارى ارالىعىندا جۇزەگە اسىرىلماق. جوبا بويىنشا جىل سايىن جاڭا كىتاپتار شىعارىلىپ، وقىرمان قاۋىم جاڭا ەسىمدەرمەن تانىسادى. كىتاپتاردىڭ ءتىزىمى دە ازىرلەنىپ قويعان. قالالىق اقپارات ورتالىعىنىڭ مالىمەتىنە سۇيەنسەك، 2018 -جىلى 38 ميلليون تەڭگەگە 13689 دانا كىتاپ شىعارىلدى. 2019 -جىلى 6500 دانا كىتاپ جارىق كورگەن.

اقىن- جازۋشىلاردىڭ شىعارمالارىن باعالاۋ جانە جاريالاۋ جونىندەگى كەڭەسكە قازاقستان جازۋشىلار وداعىنىڭ مۇشەسى، «قۇرمەت» وردەنىنىڭ يەگەرى مەدەۋ سارسەكە جەتەكشىلىك ەتۋدە. جوسپار بويىنشا وسى جىلدىڭ سوڭىنا دەيىن «اباي الەمى» كىتاپتار توپتاماسى اياسىندا 51 ميلليون تەڭگەگە 23000 دانا تيراجبەن 22 كىتاپ شىعارىلادى. «بيىل جارىققا شىعاتىن كىتاپتاردىڭ قاتارىندا اباي شىعارماشىلىعىن زەرتتەۋشىلەردىڭ جيناقتارى، ۇلى اقىن ءىزباسارلارىنىڭ شىعارمالارى، اباي تۋىندىلارىنىڭ اعىلشىن تىلىندەگى جيناقتارى جانە جەكە اۆتورلاردىڭ كىتاپتارى بار. كارانتين كەزىندە ءبىزدىڭ كىتاپحانا جاڭاشا فورماتتا جۇمىس ىستەۋدە. ۆيرتۋالدى كورمەلەر، لەكتسيالار جانە باسقا دا قىزىقتى ءىس- شارالار الەۋمەتتىك جەلىلەر ارقىلى ونلاين رەجيمدە وتۋدە، - دەيدى اباي كىتاپحاناسى ديرەكتورىنىڭ ورىنباسارى گۇلميرا نۇعىمانوۆا.

سوڭعى جاڭالىقتار