+7 (701) 759 90 19
23 °С : نۇر-سۇلتان
20 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

قازاقپارات كۇنتىزبەسى: 22- اقپان

22 اقپان 10:47
:ءبولىسۋ
قازاقپارات كۇنتىزبەسى: 22- اقپان

نۇر-سۇلتان. قازاقپارات - قازاقپارات وقىرماندارىنا 2020-جىلعى 22- اقپانعا ارنالعان كۇنتىزبەسىن ۇسىنادى.

اتاۋلى كۇندەر حالىقارالىق قىلمىس قۇرباندارىنا قولداۋ كورسەتۋ كۇنى

1990-جىلعى اقپاننىڭ 22 ىندە انگليانىڭ ۇكىمەتى «قىلمىس قۇرباندارىنىڭ حارتياسىن» جاريالادى.

1985-جىلى قىركۇيەكتە ب ۇ ۇ- نىڭ جەتىنشى كونگرەسى قىلمىس قۇرباندارى مەن بيلىكتى پايدالانعاندار ءۇشىن ادىلەتتىلىكتىڭ ماڭىزدى قاعيدالارى دەكلاراتسياسىن بەكىتتى. وسى جىلدىڭ 29- قاراشاسىندا ب ۇ ۇ- نىڭ باس اسسامبلەياسى بۇل دەكلاراتسيانى قابىلدادى. جىل سايىن اتاپ وتىلەدى.

ەستە قالار وقيعالار

1996-جىلى قازاقستان رەسپۋبليكاسى ۇكىمەتىنىڭ قاۋلىسىمەن الماتى وبلىسى اۋماعىندا ىلە الاتاۋى مەملەكەتتىك ۇلتتىق پاركى قۇرىلدى. پارك شامالعان وزەنىنەن تۇرگەن وزەنىنە دەيىن سوزىلىپ جاتىر. قاراساي، تالعار، ەڭبەكشىقازاق اۋداندارىنىڭ اۋماعىندا ورنالاسقان. پاركتە وسىمدىكتىڭ 1200 دەن اسا ءتۇرى وسەدى. ونىڭ 36 سى قازاقستاننىڭ «قىزىل كىتابىنا» ەنگىزىلگەن.

ومىرتقاسىزداردىڭ 1500، ومىرتقالى جانۋارلاردىڭ 213 ءتۇرى تىرشىلىك ەتەدى. سونىڭ ىشىندە سۇتقورەكتىلەردىڭ 47، باۋىرىمەن جورعالاۋشىلاردىڭ 8، قوسمەكەندىلەردىڭ 2، بالىقتىڭ 8، قۇستىڭ 148 ءتۇرى بار.

قازاقستاننىڭ «قىزىل كىتابىنا» ەنگىزىلگەن سۇتقورەكتىلەردەن: ورتا ازيا تاس سۋسارى، بارىس، سىلەۋسىن، تيانشان ارقارى، ءۇندى جايراسى، سابانشى تىرشىلىك ەتەدى.

قۇستاردان: بۇركىت، ساقالتاي، جۇرتشى، يتەلگى، قۇماي، ءبيدايىق، وراقتۇمسىق؛ بالىقتان: پاتشابالىق (باقتاق) بار.

2005-جىلى قازاقستاندا جاڭا ايماقتىق قوعامدىق بىرلەستىك - مۇناي-گاز كەشەنى قىزمەتكەرلەرىنىڭ كاسىپتىك وداعى قۇرىلدى. وداقتى قۇرۋ تۋرالى شەشىم اقپاننىڭ 22 سىندە اتىراۋدا وتكەن كاسىپوداقتىق كونفەرەنتسيادا قابىلداندى. جاڭا كاسىپوداق «قازمۇنايگاز» ۇلتتىق كومپانياسىمەن جانە مۇناي سالاسىندا جۇمىس ىستەيتىن باسقا دا رەسپۋبليكالىق شارۋاشىلىق قۇرىلىمدارمەن، اتقارۋشى وكىمەت ورگاندارىمەن ءوزارا ءىس-قيمىلدى باسىمدىقتى ماسەلە رەتىندە قاراستىرىپ، ولارمەن تاريفتىك كەلىسىم جاسادى.

جاڭا بىرلەستىكتىڭ قىزمەتى اتىراۋ، اقتوبە، باتىس قازاقستان، ماڭعىستاۋ جانە قازاقستاننىڭ باسقا دا وبلىستارىنداعى مۇناي-گاز كاسىپورىندارىنىڭ كاسىپوداق ۇيىمدارىن قامتيدى.

2006-جىلى استانادا قازاقستان ىسكەر ايەلدەر قاۋىمداستىعىنىڭ ۇيىمداستىرۋىمەن ايەلدەردىڭ ءبىرىنشى ەۋرازيالىق ءسامميتى ءوتتى. وعان ا ق ش، نورۆەگيا، گەرمانيا، يسپانيا، بولگاريا، وڭتۇستىك افريكا رەسپۋبليكاسى، تۇركيا، رەسەي، قىرعىزستان، ازەربايجان، وزبەكستان سياقتى الەمنىڭ 20 دان استام ەلدەرىنىڭ قوعامدىق، ساياسي جانە ساۋدا ۇيىمدارىنىڭ 400 گە جۋىق جەتەكشىسى مەن وكىلدەرى قاتىستى.

جيىندا ايەلدەردىڭ قوعامداعى ساياسي ماسەلەلەرگە ىقپالى، جاھاندانۋ پروتسەسىندەگى ايەلدەردىڭ ەكونوميكالىق مۇمكىندىكتەرى، ايەلدەر مەن وتباسىنىڭ الەۋمەتتىك مارتەبەسى سياقتى ءبىرقاتار ماڭىزدى ماسەلەلەر تالقىلانعان.

2006-جىلى قازاقستان رەسپۋبليكاسى پرەزيدەنتىنىڭ جانىنداعى وتباسى جانە ايەلدەر ىستەرى جونىندەگى ۇلتتىق كوميسسيا قۇرىلدى.

2007-جىلى الماتى قالاسىنداعى ق. ساتپايەۆ اتىنداعى قازاق ۇلتتىق تەحنيكالىق ۋنيۆەرسيتەتىندە قازشاح ويىنىنا ارنالعان شاحمات كلۋبى اشىلدى. ويىننىڭ اۆتورلىق قۇقىعى پاتەنتتەلگەن جانە ول ازات بايسەركەيەۆكە تيەسىلى. ماماندار قازشاحتى ءۇشىنشى مىڭجىلدىقتا ادامزات بالاسى ويلاپ تاپقان ەڭ ينتەللەكتۋالدى جاڭا ويىنداردىڭ ءبىرى دەپ سانايدى.

ونەرتاپقىشتىڭ ايتۋىنشا، بۇل ويىننىڭ كلاسسيكالىق شاحماتتان ايىرماشىلىعى وندا 128 توركوز بار، فيگۋرالارى ءتورت ءتۇستى جانە جانە 4 ادام، ەكى كومانداعا ءبولىنىپ تە ويناي الادى.

2010-جىلى استانانىڭ مەملەكەتتىك ارحيۆىنە رەسەي قورعانىس مينيسترلىگىنىڭ ورتالىق ءارحيۆى ەكىنشى دۇنيەجۇزىلىك سوعىسقا بۇرىنعى اقمولادان بارعان اتقىشتار ديۆيزيالارى جايىنداعى ءبىرقاتار قۇندى قۇجاتتاردى بەردى.

2012-جىلى الماتى قالاسىنداعى 120№ گيمنازيادا تانىمال قازاقستاندىق رەجيسسەر، سەناريشى جانە اكتەر ءماجيت بەگاليننىڭ مۇراجايى اشىلدى. الەمنىڭ تۇكپىر-تۇكپىرىنەن جينالعان جادىگەرلەر اراسىندا ايگىلى كينو ساڭلاعىنىڭ تۇتىنعان زاتتارى مەن كيىمدەرى دە بار. ءماجيت ساپارعالي ۇلى بەگالين 1922-جىلى 22- اقپاندا شىعىس قازاقستان وبلىسى اباي اۋدانى دەگەلەڭ اۋىلىندا ومىرگە كەلگەن. 1978-جىلى 5- مامىردا الماتىدا 56 جاسىندا دۇنيەدەن وزدى.

2016-جىلى «National Geographic» جۋرنالىنىڭ قازاق تىلىندەگى العاشقى سانى جارىققا شىقتى. بۇل - ەلىمىزدە مەملەكەتتىك تىلدە تارالاتىن تۇڭعىش شەتەلدىك باسىلىم. باسىلىمنىڭ العاشقى سانىندا قازاقستانداعى وزەكتى ەكولوگيالىق پروبلەمالارعا نازار اۋدارىلدى.

«ارال تاعدىرى - ادام تاعدىرى» دەپ اتالاتىن ماقالادا عالامشارىمىزدىڭ ەڭ ۇلكەن سۋ قويماسى، ورتالىق ازيانىڭ ماڭىزدى ستراتەگيالىق نىسانى - ارال تەڭىزىنىڭ بۇگىنگى جاي-كۇيى باياندالعان.

2017-جىلى ب ۇ ۇ قاۋىپسىزدىك كەڭەسىنىڭ ەۋروپاداعى جانجالدارعا ارنالعان وتىرىسى اياسىندا استانا قالاسى بۇل جانجالداردى ديپلوماتيالىق جولمەن شەشۋگە ارنالعان قوسىمشا الاڭ رەتىندە ۇسىنىلدى.

2017-جىلى قىرعىزستانداعى قازاق دياسپوراسىنىڭ باستاماسىمەن رەسپۋبليكادا العاش رەت قازاق تىلىندە «اعايىن» جۋرنالى جارىق كوردى. باسىلىمنىڭ قۇرىلتايشىسى - قىرعىزستانداعى بەلگىلى دارىگەر بولات شالابايەۆ.

2018-جىلى استانادا ايەلدەر كۇرەسى اكادەمياسى اشىلدى. سپورتتىق كەشەننىڭ اشىلۋىنا سپورتتىق جەكپە-جەك جانە كۇش قولدانىلاتىن سپورت تۇرلەرى كونفەدەراتسياسى، ق ر گرەك-ريم، ەركىن جانە ايەلدەر كۇرەسى فەدەراتسياسى مۇرىندىق بولعان.

2019-جىلى مىسىردىڭ Egyptsat-A سپۋتنيگىن وربيتاعا الىپ شىعاتىن «سويۋز-2» تاسىمالداۋشى زىمىرانى بايقوڭىر عارىش ايلاعىنان ۇشىرىلدى.

2019-جىلى قازاقستان رەسپۋبليكاسىنىڭ وزبەكستانداعى جىلى اياسىندا تاشكەنتتەگى «تيمۋر اۋلەتىنىڭ تاريحى» مەملەكەتتىك مۇراجايىندا «ۇلى دالا مۇراسى» اتتى كورمە اشىلدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات