قازگيدرومەت: 22-اقپان كۇنگى اۋا رايى بولجامى
باتىستا جاۋىن-شاشىنسىز كۇن رايى بولجانادى. رەسپۋبليكانىڭ كەي جەرلەرىندە تۇمان، كوكتايعاق، جاياۋ بۇرقاسىن، جەلدىڭ كۇشەيۋى كۇتىلەدى، دەپ حابارلايدى قازاقپارات.
«قازگيدرومەت» ر م ك مالىمەتىنشە، جامبىل وبلىسىنىڭ كەي جەرلەرىندە تۇمان، كوكتايعاق، جاياۋ بۇرقاسىن كۇتىلەدى. جەلدىڭ ەكپىنى 23-28 م/س، تاڭەرتەڭ جانە كۇندىز وبلىستىڭ وڭتۇستىك-باتىسىندا 30 م/س جانە ودان جوعارى بولادى.
تۇركىستان وبلىسىنىڭ كەي جەرلەرىندە تۇمان، تۇندە - نايزاعاي بولجانادى، جەلدىڭ كۇشى 15-20، تۇندە جانە تاڭەرتەڭ 23-28 م/س كۇشەيەدى.
الماتى وبلىسىندا تۇندە جانە تاڭەرتەڭ كەي جەرلەردە تۇمان كۇتىلەدى، تۇندە جالاڭاشكول اۋدانىندا جەل 18-23 م/س ارتادى.
قاراعاندى، شىعىس قازاقستان وبلىستارىنىڭ كەي جەرلەرىندە تۇمان، بۇرقاسىن، كوكتايعاق بولادى. 15-20 م/س جىلدامدىقتا جەل سوعادى.
شىعىس قازاقستان وبلىسىنىڭ جارما اۋدانىندا جەلدىڭ ەكپىنى 25 م/س جەتەدى.
قىزىلوردا وبلىسىنىڭ كەي جەرلەرىندە تۇمان، كوكتايعاق، كۇندىز جەل 15-20 م/س ەكپىندە جەل بولجانادى.
اقمولا، ماڭعىستاۋ، اتىراۋ، باتىس قازاقستان، قوستاناي، سولتۇستىك قازاقستان، پاۆلودار وبلىستارىنىڭ كەي جەرلەرىندە تۇمان كۇتىلەدى.