اقتوبەدە 22 مىڭ جۇمىسشىنىڭ ەڭبەكاقىسى وسەدى

None
None
اقتوبە. قازاقپارات - 2020 -جىلى 28 ءىرى جانە ورتا كاسىپورىن 22 مىڭ جۇمىسشىنىڭ ەڭبەكاقىسىن وسىرەدى، دەپ حابارلايدى قازاقپارات ءتىلشىسى وبلىس اكىمىنىڭ باسپا ءسوز قىزمەتىنە سىلتەمە جاساپ.

اقتوبە وبلىسىنىڭ 2019 -جىلعى جالپى الەۋمەتتىك- ەكونوميكالىق كورسەتكىشى قورىتىندىلاندى.

«وبلىستىڭ قىسقا مەرزىمدى ەكونوميكالىق ينديكاتورى %105,7 قۇراپ، ونەركاسىپ - %105,9، ينۆەستيتسيا - %107,5، اۋىل شارۋاشىلىعى - %103,7، بولشەك جانە كوتەرمە ساۋدا - %104,9، قۇرىلىس - %105,8، تۇرعىن ءۇيدى پايدالانۋعا بەرۋ - %112,4 قۇرادى» - دەپ اتاپ ءوتتى وبلىس اكىمى.

وبلىس اكىمىنىڭ ورىنباسارى رۋسلان مامۋنوۆتىڭ ايتۋىنشا، ءۇش جىل قاتارىنان ءوڭىردىڭ ەكونوميكالىق ءوسىمى %5 قۇراپ، بارلىق الەۋمەتتىك- ەكونوميكالىق كورسەتكىش كولەمى ارتقان. قازىر وبلىستا تاۋ- كەن ءوندىرۋ سەكتورىندا 200 گە جۋىق كاسىپورىن جۇمىس ىستەيدى. ولار جىل سايىن شامامەن 6 ميلليون توننا مۇناي ونىمدەرىن، 6 ميلليون توننا حروم رۋداسى، 4,5 ميلليون توننا حروم كونتسەنتراتتارى، 3 ميلليون توننا مىس كەندەرىن وندىرەدى.

وتكەن جىلى وبلىستا 1,02 ميلليون شارشى مەتر تۇرعىن ءۇي پايدالانۋعا بەرىلدى. 2020 -جىلى «باقىتتى وتباسى» باعدارلاماسىن ىسكە اسىرۋ ءۇشىن 7,5 ميلليارد تەڭگە بولىنەدى. قۇنى 31,9 ميلليارد تەڭگەنى قۇرايتىن 98 ءىرى جوبانى ىسكە قوسۋ جوسپارلانىپ وتىر.

قازىرگى تاڭدا رەسپۋبليكالىق جانە وبلىستىق بيۋدجەتتىڭ قارجىلاندىرۋى ەسەبىنەن جالپى قۇنى 4,3 ميلليارد تەڭگەگە 15 گازداندىرۋ جوباسى جۇزەگە اسىرىلۋدا. سۋمەن جابدىقتاۋ جۇمىسى كەزىندە قۇنى 9,7 ميلليارد تەڭگەنى قۇرايتىن 16 جوبا قولداۋ تاپقان. وبلىس اكىمى وسى تۇستا قۇرىلىسى ۇزاققا سوزىلعان نىسانداردى سىنعا الدى.

ايتا كەتەيىك، وڭىردە 2 مىڭنان استام كاسىپورىن 75 مىڭ قىزمەتكەرىنىڭ جالاقىسىن ورتا ەسەپپەن %10-15 كوتەردى. 2020 -جىلى 28 ءىرى جانە ورتا كاسىپورىن 22 مىڭ قىزمەتكەردىڭ ەڭبەكاقىسىن ارتتىرۋدى جوسپارلاپ وتىر. كاسىپكەرلىك باعىتىندا دامۋ ينستيتۋتتارى ارقىلى قارجىلاندىرۋدىڭ بارلىق كوزدەرىنەن 2,1 مىڭ كاسىپكەرلىك سۋبەكتىسىنە 33 ميلليارد تەڭگە كولەمىندە قولداۋ كورسەتىلدى.

«جىل قورىتىندىسىنىڭ كورسەتكىشى جامان ەمەس، دەگەنمەن شەشۋدى قاجەت ەتەتىن كەمشىلىكتەر دە جەتەرلىك. ءارقايسىسىڭىز ءوز سالالارىڭىزعا قاتىستى قورىتىندى شىعارىپ، تۇرعىنداردىڭ ءال- اۋقاتىن ارتتىرۋ، ءوڭىر ەكونوميكاسىنىڭ دامۋىنا جۇمىلىپ جۇمىس ىستەۋ كەرەك»، - دەدى وڭداسىن ورازالين.

سوڭعى جاڭالىقتار