04:02, 22 - قازان 2019 | GMT +6
الەمدى تاڭ قالدىرعان ايەل: 22-بالاسىنا جۇكتى ەكەنى بەلگىلى بولدى
نۇر-سۇلتان. قازاقپارات – ۇلى بريتانيا تۇرعىنى سيۋ رەدفورد ومىرىندە 22- رەت انا اتانعالى وتىر.
بۇل جاڭالىقپەن ول ءوزىنىڭ Youtube-ارناسىندا ءبولىستى دەپ حابارلايدى ر ي ا نوۆوستي.
كوپبالالى انا ءوز ارناسىنىڭ كورەرمەندەرىنە ۋلترادىبىستىق زەرتتەۋ (ۋدز) ناتيجەلەرىن كورسەتتى.
44 جاستاعى بريتانيالىق كەلىنشەكتىڭ ايتۋىنشا، قازىر ول جۇكتىلىكتىڭ 15-اپتاسىندا، ءسابيدىڭ جىنىسىن بىلەتىن ءساتتى تاعاتسىزدانا كۇتىپ وتىر ەكەن.
ول نارەستەنىڭ ۇل بولعانىن قالايتىنىن جاسىرمادى. سەبەبى، ۇل تۋسا، وتباسىندا 11 قىز، 11 ەر بالا بولماق.