16:08, 25 - ءساۋىر 2019 | GMT +6
فرانسيانىڭ ۇلكەن شىعىس وڭىرىندە ءبىر كۇندە 22 مىڭ رەت جاي ءتۇستى
نۇر- سۇلتان. قازاقپارات - مەتەورولوگتار سارسەنبى كۇنى ەلزاس تاريحي وبلىسىندا (فرانسيا، ۇلكەن شىعىس ءوڭىرى) نايزاعاي ويناعان كەزدە 22 مىڭ رەت جاي تۇسكەنىن تىركەدى.
بۇل تۋرالى بەيسەنبى France Bleu راديوستانتسياسى ءوڭىردىڭ مەتەورولوگيالىق قىزمەتىنە سىلتەمە جاساپ حابارلادى.
ونىڭ دەرەگى بويىنشا، اتموسفەراداعى ەلەكتر رازريادتارى تومەنگى رەين (13,9 مىڭ) جانە جوعارى رەين (8,4 مىڭ) دەپارتامەنتتەرىندە ءجيى ورىن العان. تابيعي قۇبىلىس سالدارىنان بيشايم، ەرليسايم جانە يپسايم قالالارىندا ءورت بولدى. ميتتەلبەرگحايم قالاسىندا جەل جەرگىلىكتى مەكتەپتىڭ شاتىرىن ۇشىرىپ اكەتكەن.
سونداي- اق، داۋىل ونداعان اعاشتى قۇلاتىپ، سالدارىنان كولىك قوزعالىسى بۇزىلعان. تابيعي اپاتتان ەشكىم زارداپ شەككەن جوق