+7 (701) 759 90 19 Лента
15 °С : استانا
22 °С : الماتى
USD 379.36 EUR 424.47
RUB 5.88 CNY 54.95
جاڭالىقتار

ەلوردالىق پوليتسەيلەر 22 جىل بۇرىن بولعان قىلمىستى اشىپ، كىنالىنى تاپتى

19 ءساۋىر 14:00 442
:ءبولىسۋ
ەلوردالىق پوليتسەيلەر 22 جىل بۇرىن بولعان قىلمىستى اشىپ، كىنالىنى تاپتى

نۇر-سۇلتان. قازاقپارات - كوپ جىل بۇرىنعى قىلمىستاردىڭ ءبىرىن زەردەلەۋ بارىسىندا پوليتسيا قىزمەتكەرلەرى جاڭا فاكتىلەردى انىقتاۋ ءۇشىن كوپ جۇمىس اتقاردى.

ناتيجەسىندە كۇدىكتىلەردىڭ سوڭىنا ءتۇسىپ، 20 جىل بۇرىن جاسالعان قىلمىستى اشتى، دەپ حابارلايدى قازاقپارات پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

1997-جىلدىڭ ناۋرىزىندا جەكە ۇيدە زورلىق-زومبىلىق بەلگىلەرى بار ەگدە ايەلدىڭ ءمايىتى تابىلعان. كىسى ولىمىنەن بولەك، ايەلدىڭ ۇيىنەن باعالى زاتتار جوعالعان. پوليتسيا قىزمەتكەرلەرى بۇگىنگى تاڭدا كەڭىنەن قولدانىپ جۇرگەن جاڭا تەحنولوگيالاردى جانە تەحنيكالىق قۇرالداردى قولدانۋ ارقىلى قىلمىستىق ءىستى اشتى.

ارادا 22 جىل وتكەندە نۇر-سۇلتان قالاسى پ د كريمينالدىق پوليتسيا قىزمەتكەرلەرى قىلمىستى قايتا قاراۋ كەزىندە اتالعان وقيعا قاتىسۋشىلارىنىڭ بىرىنە شىقتى. ول - ۇرلىق جاساپ، ەسىرتكى تاراتقانى ءۇشىن بىرنەشە رەت سوتتالعان، 1971-جىلى تۋعان ازاماتشا ا. ايەل اتالمىش قىلمىس جاسالعان كەزدە 26 جاستا بولعان.

«ايەلدىڭ قازىرگى تۇراتىن جەرى انىقتالدى. ول 20 جىلدان استام ۋاقىت ەلوردادا تۇرىپ كەلگەن. سوتقا دەيىنگى تەرگەپ-تەكسەرۋ بارىسىندا ازاماتشا ا. ءبارىن مويىنداپ، وكىنەتىنى تۋرالى ءوتىنىش جازدى. وندا ول كىسى ءولتىردى دەپ بىرنەشە رەت سوتتالعان ءوزىنىڭ دوسى، 1970-جىلى تۋعان ازامات ن. كورسەتكەن. ول ايەلدى قورقىتۋ ارقىلى قىلمىس تۋرالى ەشكىمگە ايتپاۋعا كوندىرگەن. ايەل بايانداعان فاكتىلەرگە سۇيەنە وتىرىپ، پوليتسيا قىزمەتكەرلەرى ن- نىڭ ەسىرتكى قولدانعانىن جانە قايتا-قايتا اقشاعا مۇقتاج بولعانىن انىقتادى» دەلىنگەن حابارلامادا.

تەرگەپ-تەكسەرۋ بارىسىندا كۇدىكتىنىڭ كىناسى تولىقتاي دالەلدەندى.


باستى سوزدەر: زاڭ جانە قۇقىق , قوعام,
:ءبولىسۋ

اأتور:

novasa

ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
مۇراعات