سينوپتيكتەر 22- اقپان كۇنگى اۋا رايى بولجامىن جاريالادى
كاسىپورىن تاراتقان مالىمەتتەرگە قاراعاندا، اتموسفەرالىق اعىنداردىڭ وتۋىنە بايلانىستى 22- اقپان كۇنى رەسپۋبليكانىڭ باتىسىندا جانە سولتۇستىك باتىسىندا اۋا رايى قۇبىلىپ تۇرادى.
رەسپۋبليكانىڭ ءبىرقاتار ايماقتارىندا جاۋىن-شاشىن بولسا، ەندىگى بولىكتەرىندە تۇمان ءتۇسىپ، كوكتايعاق، بۇرقاسىن بولىپ، جەل كۇشەيەدى.
اقمولا، جامبىل، سولتۇستىك قازاقستان، پاۆلودار وبلىستارىنىڭ كەي جەرلەرىندە تۇمان بولادى، جەلدىڭ جىلدامدىعى سەكۋندىنا 15-20 مەترگە جەتەدى.
قاراعاندى، تۇركىستان، قىزىلوردا، ماڭعىستاۋ وبلىستارىنىڭ كەي جەرلەرىندە تۇمان ءتۇسۋى ىقتيمال.
شىعىس قازاقستان وبلىسىنىڭ كەي جەرلەرىندە جەل سەكۋندىنا 15-20 مەتر جىلدامدىقپەن سوعادى، سوڭى جاياۋ بۇرقاسىنعا ۇلاسادى.
الماتى وبلىسىنىڭ كەي جەرلەرىندە تۇمان ءتۇسىپ، كوكتايعاق بولادى.
قوستاناي، باتىس قازاقستان وبلىستارىنىڭ كەي جەرلەرىندە جاياۋ بۇرقاسىن بولىپ، جەلدىڭ جىلدامدىعى سەكۋندىنا 15-20 مەترگە جەتەدى. سونداي-اق تۇمان، كوكتايعاق بولادى.
اقتوبە وبلىسىنىڭ ءبىرقاتار اۋماقتارىندا جەلدىڭ جىلدامدىعى سەكۋندىنا 15-20 مەترگە جەتىپ، جاياۋ بۇرقاسىن سوعادى، كوكتايعاق بولادى.
اتىراۋ وبلىسىنىڭ كەي جەرلەرىندە تۇمان ءتۇسىپ، كوكتايعاق بولىپ، جەل سەكۋندىنا 15-20 مەتر جىلدامدىقپەن ەسەدى.