قازاقستاندا 22 -اقپاندا وتەتىن ماڭىزدى شارالارعا شولۋ
استانا
ساعات 10.00-دە سەناتتا «ۆەتەرينارلىق قاۋىپسىزدىك جاعدايى جانە ونىڭ زاڭنامالىق قامتاماسىز ەتىلۋى» تاقىرىبىندا دوڭگەلەك ۇستەل باستالادى.
ساعات 10.00-دە ۇكىمەت ۇيىندە ق ر قوعامدىق دامۋ ءمينيسترى دارحان كالەتايەۆتىڭ قاتىسۋىمەن «قازاقستاندا جاستار ساياساتىن جۇزەگە اسىرۋ تۋرالى» تاقىرىبىندا باسپا ءسوز ءماسليحاتى ۇيىمداستىرىلادى.
ساعات 10.00-دە قازاقستان رەسپۋبليكاسى باس پروكۋراتۋراسى جانىنداعى قۇقىق قورعاۋ ورگاندارىنىڭ اكادەمياسىندا قىلمىستىق جانە قىلمىستىق ءىس جۇرگىزۋ زاڭناماسىن جەتىلدىرۋ تۋرالى زاڭ جوباسىنىڭ تۇجىرىمداماسىن تالقىلاۋ ءۇشىن كريمينولوگيالىق فورۋمنىڭ وتىرىسى وتەدى.
ساعات 12.00-دە «نۇر وتان» پارتياسىنىڭ استانا قالالىق فيليالىندا «نۇر وتان» پارتياسىنىڭ 20 -جىلدىعىن مەرەكەلەۋگە ارنالعان «20 جاقسى ءىس» اكتسياسى مەن «ناۋرىز شاقىرۋ» اكسياسى اياسىندا جوبالاردىڭ تۇساۋكەسەرى ءوتتى.
ساعات 16.00-دە ق ر ب ع م ۆەدومستۆوارالىق كوميسسياسى دۇنيەجۇزىلىك بانكتىڭ «ءونىمدى يننوۆاتسيالاردى ىنتالاندىرۋ» جوباسى شەڭبەرىندە «ينكليۋزيۆتىك يننوۆاتسيالار كونسورتسيۋمدارى» گرانتتىق باعدارلاماسى بويىنشا جوبالاردى ىرىكتەيدى.
ساعات 16.00-دە استانا قالاسى اكىمدىگىندە «مەملەكەتتىك قىزمەتتى دامىتۋ جانە كادر ساياساتى» تاقىرىبى بويىنشا قر مەملەكەتتىك قىزمەت ىستەرى مەن سىبايلاس جەمقورلىققا قارسى ءىس- قيمىل اگەنتتىگىنىڭ استانا قالالىق دەپارتامەنتىنىڭ قورىتىندى وتىرىسى وتەدى.
الماتى
ساعات 09.00-دە قازاق مەديتسينا ۋنيۆەرسيتەتىندە ۇزدىكسىز ءبىلىم بەرۋدە «ارا مەن ارا شارۋاشىلىعى ونىمدەرىن ۇرىقتاندىرۋ ارقىلى اۋرۋلاردى ەمدەۋدەگى تەوريالىق جانە پراكتيكالىق اسپەكتىلەر» اتتى اپيتەراپيا بويىنشا عىلىمي-پراكتيكالىق كونفەرەنسيا وتەدى.
ساعات 10.00-دە «ەرمەنساي» جوباسى بويىنشا ەلەكتر ستانساسىندا باسپا ءسوز ءماجىلىسى وتەدى. ءىس- شارادا الماتى قالاسىنىڭ ەنەرگيانى قايتا جابدىقتاۋ جانە ۇزدىكسىز ەنەرگيامەن جابدىقتاۋ، جوبانىڭ تەحنولوگيالىق اسپەكتىلەرى تالقىلانادى.
ساعات 11.00-دە ۇلتتىق كىتاپحانادا اقىن، دراماتۋرگ ءابدىلدا تاجىبايەۆتى ەسكە الۋ كەشى وتەدى.
ساعات 12.00-دە «World Class» فيتنەس- كلۋبىندا قازاقستان شاحمات فەدەراتسيانىڭ 2018 -جىلعا ارنالعان ءىس- شارالارىنىڭ قورىتىندىلارى تالقىلانىپ، 2019-شى جىلداردىڭ جوسپارلارى تۋرالى ايتىلادى.
قىزىلوردا
ساعات 18.00-دە قىزىلوردا وبلىستىق فيلارمونياسىنىڭ كونسەرت زالىندا حالىق اقىنى، كومپوزيتور كەنەن ازىربايەۆتىڭ 135 جىلدىعىنا وراي «ءان كەمەڭگەرى» اتتى جەرگىلىكتى ونەر يەلەرىنىڭ كونسەرتى باستالادى.