قازاقستاندا 22 -قاراشادا وتەتىن ماڭىزدى شارالارعا شولۋ
استانا
ساعات 09.00-دە ق ر تۇڭعىش پرەزيدەنتى قورىنىڭ عيماراتىندا حالىقارالىق عىلىمي فورۋم باستالادى.
ساعات 09.30-دە ىشكى ىستەر مينيسترلىگىندە ىشكى ىستەر ءمينيسترى قالمۇحانبەت قاسىموۆتىڭ قاتىسۋىمەن ىشكى ىستەر ورگاندارىن جاڭعىرتۋ تۋرالى بريفينگ وتەدى.
ساعات 09.40-تا «دۋمان» قوناق ءۇي كەشەنىندە قوعامدىق دامۋ مينيسترلىگىنىڭ قوعامدىق كەلىسىم كوميتەتى قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ تەرروريزمگە قارسى ورتالىعىمەن بىرلەسىپ سەمينار- ترەنينگ وتكىزۋ جوسپارلانۋدا. سەمينار- ترەنينگتىڭ تاقىبىرى: «ءدىني ەكسترەميزم مەن راديكاليزمنىڭ الدىن الۋ بويىنشا، سونداي-اق مەملەكەتتىڭ زايىرلىلىق قاعيداتتارىن ڭىعايتۋ جونىندەگى جۇمىستارعا تارتىلاتىن مامانداردىڭ بىلىكتىلىگىن ارتتىرۋ: ءدىني ەكسترەميزم مەن تەرروريزمگە قارسى ءىس- قيمىلدارعا بايلانىستى ماسەلەلەردى ب ا ق- تا جاريالاۋ ەرەكشەلىكتەرى».
ساعات 10.00-دە ءماجىلىسىنىڭ جالپى وتىرىسى باستالادى.
ساعات 10.30-دا ق ر مەملەكەتتىك حاتشىسى گ. ءابدىحالىقوۆانىڭ توراعالىعىمەن قازاقستان رەسپۋبليكاسى پرەزيدەنتىنىڭ جانىنداعى جاستار ساياساتى جونىندەگى كەڭەستىڭ XXII كەزەكتى وتىرىسى وتەدى.
ساعات 14.00-دە رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ وتىرىسى وتەدى.
ساعات 15.00-دە «Mega Silk Way» ويىن-ساۋىق ورتالىعىندا كاسپيي قۇبىر كونسورتسيۋمى جانە «National Geographic Qazaqstan» جۋرنالىنىڭ بىرلەسۋىمەن «ۇلى دالا كيەسى» اتتى تاقىرىپتا فوتوكورمەنىڭ اشىلۋ سالتاناتى وتەدى.
ساعات 15.00-دە «نۇر وتان» پارتياسىنىڭ ورتالىق اپپاراتىندا «نۇر وتان» پارتياسىنىڭ دەنساۋلىق ساقتاۋ باعىتى بويىنشا كوميسسياسىنىڭ «قازاقستان 2021: بىرلىك. تۇراقتىلىق. جاسامپازدىق» اتتى سايلاۋالدى باعدارلاماسى تالقىلانادى.
ساعات 15.00-دە استاناداعى «كەرۋەن سيتي» س و ورتالىعىندا وتاندىق جاڭا «كۇلتەگىن» تولىقمەترلى انيماتسيالىق فيلمىنىڭ بالالار ءۇيىنىڭ تاربيەلەنۋشىلەرىنە ارنالعان قايىرىمدىلىق كورسەتىلىمى وتەدى. مۋلتفيلم تۇرىك قاعاناتىنىڭ داڭقتى اسكەري قولباسشىسى كۇلتەگىننىڭ جاستىق شاعى تۋرالى باياندايدى.
ساعات 15.30-دا ينۆەستيسيالار جانە دامۋ مينيسترلىگىنىڭ مەديا-ورتالىعىندا وتەتىن گەولوگيا جانە جەر قويناۋىن پايدالانۋ كوميتەتىنىڭ جانە«قازگەولوگيا» ۇ گ ك» ا ق 2018 -جىلدىڭ 10-ايى بويىنشا اتقارعان جۇمىستارىنىڭ قورىتىندىسى بويىنشا بريفينگى باستالادى.
الماتى
ساعات 10.00-دە «TheRitz-Carlton» قوناق ۇيىندە «ورتالىق ازيا حالىقتارىنىڭ ساندىك- قولدانبالى ونەرى» كورمەسى وتەدى.
ساعات 10.00-دە ق ر ۇ ق ك شەكارا قىزمەتىنىڭ اكادەمياسىندا ««قازاقستان-2050» ستراتەگياسى شەڭبەرىندە ج و و- دان كەيىن اسكەري ءبىلىم بەرۋ تەحنولوگيالارى مەن مازمۇنى» تاقىرىبىندا ۆەدومستۆوارالىق كونفەرەنتسيا وتكىزىلەدى.
ساعات 10.00-دە «تۇران» ۋنيۆەرسيتەتىندە «قازىرگى قازاقستانداعى عىلىمنىڭ قاجەتتىلىگى مەن يننوۆاتسيالىق دامۋ» تاقىرىبىندا عىلىمي كونفەرەنتسيا وتكىزىلەدى.
ساعات 11:00-دە قازاقستان باسپا ءسوز كلۋبىندا الماتىدا بيزنەستى دامىتۋ ماسەلەلەرىنە ارنالعان باسپا ءسوز ءماسليحاتى وتەدى. شارانى وتكىزۋدەگى ماقسات - قوعام مەن مەملەكەت باسشىلىعىنا الماتىلىق كاسىپكەرلەردىڭ قىسىمعا ۇشىراعانىن، جوسپاردان تىس تەكسەرۋلەر قالاي باستالاتىنىن جانە مەملەكەتتىك ورگانداردىڭ كەيبىر وكىلدەرىنىڭ كاسىپكەرلەرگە كەدەرگى كەلتىرەتىنىن جەتكىزۋ بولىپ تابىلادى. باسپا ءسوز ءماسليحاتىنىڭ ۇيىمداستىرۋشىلارى - «ميزام» كوتەرمە- بولشەك ساۋدا ورتالىعى.
ساعات 11.00-دە «ينتەرفاكس- قازاقستان» اگەنتتىگىنىڭ باسپا ءسوز ورتالىعىندا «ەسەپشىلەر ارمياسى» تاقىرىبىندا باسپا ءسوز ءماسليحاتى وتەدى.
ساعات 13.00-دە بالۋان شولاق اتىنداعى سپورت سارايىندا فۋتزالدان ۇلتتىق چەمپيوناتتىڭ فينالى وتەدى.
ساعات 15.00-دە ق ر ۇلتتىق كىتاپحاناسىندا «جاھاندىق الەمدەگى قازىرگى قازاقستاندىق مادەنيەت» كىتاپتار سەرياسىنىڭ تانىستىرىلىمى وتەدى.
شىمكەنت
ساعات 15.00-دە مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ تۇركىستان وبلىسى بويىنشا دەپارتامەنتىنىڭ ۇيىمداستىرۋىمەن شىمكەنت قالاسىندا العاش رەت «ستۋدەنتتەرگە قىزمەت كورسەتۋ ورتالىعى» اشىلماق.
ساعات 17.00-دە «وتىرار» تەلەارناسىنىڭ ءماجىلىس زالىندا ەمحاناعا تىركەلۋ ناۋقانىنىڭ اياقتالۋىنا بايلانىستى بريفينگ وتەدى.
كوكشەتاۋ
ساعات 11.00-دە وڭىرلىك كوممۋنيكاتسيالار قىزمەتىندە ق ر ۇلتتىق بانكى اقمولا وبلىستىق فيليالى ديرەكتورىنىڭ ورىنباسارى گۇلنار وماروۆانىڭ قاتىسۋىمەن «7-20-25» باعدارلاماسىنىڭ اقمولا وبلىسىندا جۇزەگە اسۋى» تاقىرىبىندا بريفينگ وتەدى.