اۋا رايى: قازاقستاننىڭ باسىم بولىگىندە 22 -مامىر كۇنى جاۋىن جاۋادى

استانا. قازاقپارات - «قازگيدرومەت» ر م ك سى 22 -مامىرعا ارنالعان اۋا رايى بولجامىن جاريا ەتتى، دەپ حابارلايدى قازاقپارات.

قازاقستاننىڭ باسىم بولىگىندە اتموسفەرالىق فرونتالدى بولىكتەردىڭ وتۋىنە بايلانىستى كەي جەرلەردە جاۋىن جاۋىپ، كۇن كۇركىرەپ، جەل كۇشەيىپ، ءتىپتى شاڭدى داۋىل دا كوتەرىلەدى.

اقمولا، قوستاناي، پاۆلودار، شىعىس قازاقستان، سولتۇستىك قازاقستان، كۇندىز قاراعاندى، باتىس قازاقستان، اقتوبە، اتىراۋ، جامبىل وبلىستارىنىڭ ءبىرقاتار ايماقتارىندا جەلدىڭ جىلدامدىعى سەكۋندىنا 15-20 مەترگە دەيىن جەتەدى. سولتۇستىك قازاقستان وبلىسىندا تۇندە جانە تاڭ اتا تۇمان تۇسەدى.

وڭتۇستىك قازاقستان وبلىسىنىڭ ءبىرقاتار ايماقتارىندا جەلدىڭ جىلدامدىعى سەكۋندىنا 15-20 مەترگە جەتەدى.  قىزىلوردا وبلىسىندا شاڭدى داۋىل كوتەرىلىپ، كۇندىز سەكۋندىنا 15-20 مەتر جىلدامدىقپەن جەل سوعادى. اتىراۋ وبلىسىندا كۇندىز كۇن قاتتى ىسيدى دەپ كۇتىلۋدە.