+7 (701) 759 90 19
-16 °С : نۇر-سۇلتان
3 °С : الماتى
USD 376.43 EUR 407.11
RUB 5.76 CNY 53.55
جاڭالىقتار

الماتى وبلىسىندا اباي اتىندا 227 كوشە بار

22 قاڭتار 09:57
:ءبولىسۋ
الماتى وبلىسىندا اباي اتىندا 227 كوشە بار

تالدىقورعان. قازاقپارات - الماتى وبلىسىندا 227 اباي قۇنانباي ۇلى كوشەسى بار. سونداي-اق وڭىردە ۇلى اقىن ەسىمىمەن 13 مەكتەپ پەن 3 اۋىل اتالعان، دەپ حابارلايدى قازاقپارات ءتىلشىسى.

جەتىسۋلىقتار دا اباي قۇنانباي ۇلىنىڭ 175 جىلدىق مەرەي تويىنا دايىندىقتى باستاپ كەتتى. الماتى وبلىسىندا ايتۋلى داتاعا وراي جۇمىس جوسپارى بەكىتىلگەن. بيىل وبلىس ورتالىعى تالدىقورعاندا قالامگەرگە ەسكەرتكىش ورناتىلادى. ارنايى كوميسسيا ءمۇسىنشى ميرلان ازماعامبەتوۆتىڭ نوبايىن تاڭدادى. جالپى ەسكەرتكىش بايقاۋىنا 10 نان استام ۇسىنىس تۇسكەن. سونداي-اق الماتى وبلىسىندا اقىن شىعارماشىلىعىن ناسيحاتتاۋ ماقساتىندا ءمۇشايرالار وتەدى.

«ماسەلەن وبلىستىق تىلدەردى دامىتۋ باسقارماسى ەسسە مەن زەرتتەۋ ماقالالارىنا بايقاۋ ۇيىمداستىرسا، مادەنيەت باسقارماسى «ابايعا ارناۋ» اتتى ءمۇشايرا جاريالادى. جەڭىمپازدار ناۋرىز ايىندا انىقتالماق. بۇل بايقاۋدىڭ باستى ەرەكشەلىگى بارلىق قاتىسۋشىلاردىڭ ولەڭدەرى «ابايعا ارناۋ» كىتابىنا جيناقتالماق»، دەيدى الماتى وبلىستىق مادەنيەت، ارحيۆ جانە قۇجاتتاما باسقارماسى باسشىسىنىڭ ورىنباسارى ءاليا جاقىپبەكوۆا.

مۇنان بولەك بيكەن ريموۆا اتىنداعى دراما تەاتردىڭ ۇجىمى رەجيسسەر قۋاندىق راحىموۆپەن «اباي» سپەكتاكىلىنىڭ رەپەتيتسياسىنا بىلەك سىبانا كىرىستى.

سونىمەن قاتار ۇلى اقىن تۋىپ وسكەن جيدەبايداعى مەموريالدىق كەشەنگە تاريحي-تانىمدىق ەكسپيديتسيالار مەن اقپاراتتىق ساپارلار جوسپارلانۋدا. ال اقىن تۋعان كۇنى قارساڭىندا تالدىقورعاندا حالىقارالىق عىلىمي-تاجىربيەلىك كونفەرەنسيا وتەتىن بولادى.


باستى سوزدەر: ايماق, ابايدىڭ 175 جىلدىعى,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات