09:43, 23 - مامىر 2018 | GMT +6
نيۋ-يورك قور بيرجاسىن 226 جىلدان سوڭ العاش رەت ايەل باسقارادى
استانا. قازاقپارات - الەمدەگى اينالىسى اسا اۋقىمدى نيۋ-يورك قور بيرجاسىن 226 جىلدان سوڭ ايەل - ستەيسي كاننينگەم باسقاراتىن بولدى.
سەيسەنبى كۇنى بيرجانىڭ باسپا ءسوز قىزمەتى ونىڭ توماس فەرليدى اۋىستىرىپ، نيۋ-يورك قور بيرجاسىنىڭ 67 -پرەزيدەنتى اتانعاندىعىن ءمالىم ەتتى.
تاسس اگەنتتىگىنىڭ حابارلاۋىنشا، سوڭعى ۋاقىتقا دەيىن ستەيسي كاننينگەم نيۋ-يورك قور بيرجاسىنا كىرەتىن NYSE Group كومپانياسىنىڭ باسشىسى بولعان.
نيۋ-يورك قور بيرجاسى 1792 -جىلى قۇرىلعان. ال 1975 -جىلدان باستاپ 1366 دەربەس مۇشەسى بار كوممەرتسيالىق ەمەس كورپوراتسياعا اينالدى.