بيىل 225 مەكتەپ اشۋ جوسپارلانعان - ءبىلىم مينيسترلىگى
ءبىلىم جانە عىلىم مينيسترلىگىنىڭ حابارلاۋىنشا، 2021-جىلى 163301 وقۋشىعا ارنالعان 277 مەكتەپ اشىلدى.
ال 2022-جىلى كەمىندە 214538 وقۋشىعا ارنالعان 225 مەكتەپ اشۋ جوسپارلانىپ وتىر.
«جان باسىنا قارجىلاندىرۋ جانە مەملەكەتتىك تاپسىرىستى ورنالاستىرۋ جۇيەسىن دامىتۋ ارقىلى قاجەتتى قۇقىقتىق بازا جاسالدى جانە جەكە ينۆەستورلاردىڭ رەسۋرستارى بەلسەندى تۇردە تارتىلۋدا. ءۇش اۋىسىمدىق مەكتەپتەر مەن ورىن جەتىسپەۋشىلىگى ماسەلەسىن شەشىپ قانا قويماي، ءبىر اۋىسىمدىق وقىتۋعا كوشۋ جۇمىستارى جۇرگىزىلىپ جاتىر»، - دەلىنگەن مينيسترلىك حابارلاماسىندا.
ايتا كەتسەك، پرەزيدەنت 2021-جىلعى 1- قىركۇيەكتەگى جولداۋىندا «ورتا ءبىلىم بەرۋ جۇيەسىندەگى وتكىر پروبلەمانىڭ ءبىرى - مەكتەپتەردەگى ورىن تاپشىلىعى. 225 مىڭ وقۋشىعا ورىن جەتىسپەيدى. شۇعىل شارا قابىلداماساق، 2025-جىلعا قاراي ورىن تاپشىلىعى 1 ميلليونعا جەتەدى. مەن 2025 -جىلعا دەيىن كەمىندە 800 مەكتەپ سالۋ تۋرالى تاپسىرما بەرگەن بولاتىنمىن. بۇگىن ونىڭ سانىن ءبىر مىڭعا جەتكىزۋدى مىندەتتەيمىن» دەگەن بولاتىن.