نۇر-سۇلتاندا كوروناۆيرۋس جۇقتىرعان 222 ادامنىڭ جارتىسىنان استامى - ايەلدەر

نۇر-سۇلتان. قازاقپارات - ەلوردادا ۆيرۋستى جۇقتىرعانداردىڭ جالپى سانى 222 گە جەتتى، دەپ حابارلايدى قازاقپارات.

نۇر-سۇلتان قالاسى قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆانىڭ ايتۋىنشا، ونىڭ %46 - ەر، %54 - ايەل ادامدار. جالپى جازىلىپ شىققاندار سانى - 28.

«قازىرگى تاڭدا اۋرۋحانالاردا 493 ناۋقاس ەم الىپ جاتىر، ونىڭ 203 ى كوروناۆيرۋستان ەمدەلۋشىلەر، ونىڭ ىشىندە 10 ناۋقاس اقمولا وبلىسىنىڭ تۇرعىندارى. 5 ناۋقاستىڭ جاعدايى اۋىر حالدە، ونىڭ ۇشەۋى جاساندى وكپە جەلدەتۋ اپپاراتىنا قوسىلعان»، - دەيدى ول.

بەكىتىلگەن حاتتاماعا سايكەس ءتيىستى ەم جۇرگىزىلۋدە. باسقا ناۋقاستاردىڭ جاعدايى قالىپتى. نۇر- سۇلتان قالاسىندا 28-قاڭتاردان بەرى 6315 ادام باقىلاۋدان جانە ەمدەۋدەن ءوتتى، ونىڭ 202 سى – 18 گە تولماعان بالالار.