+7 (701) 759 90 19
16 °С : نۇر-سۇلتان
15 °С : الماتى
USD 405.69 EUR 455.51
RUB 5.72 CNY 57.42
جاڭالىقتار

بيىل ەلىمىزدە ءداندى داقىلدار 22,5 ميلليون گەكتارعا ەگىلەدى

26 مامىر 10:06
:ءبولىسۋ
بيىل ەلىمىزدە ءداندى داقىلدار 22,5 ميلليون گەكتارعا ەگىلەدى

نۇر- سۇلتان. قازاقپارات - بيىل ءداندى داقىلدار الاڭى 14,9 ميلليون گەكتارعا ەگىلدى. بۇل تۋرالى ۇكىمەت وتىرىسىندا ق ر اۋىل شارۋاشىلىعى ءمينيسترى ساپارحان وماروۆ ءمالىم ەتتى، دەپ حابارلايدى قازاقپارات ءتىلشىسى.

«2020 -جىلى اۋىل شارۋاشىلىعى داقىلدارىن 22,5 ميلليون گەكتار الاڭعا ەگۋ جوسپارلانۋدا، بۇل 2019 -جىلعى دەڭگەيدەن 238 مىڭ گەكتارعا كوپ. بۇل رەتتە يمپورتتىڭ ورنىن باسۋ ءۇشىن جوعارى رەنتابەلدى داقىلدار پايداسىنا ەگىس الاڭدارىنىڭ قۇرىلىمىن ءارتاراپتاندىرۋ ماسەلەسىنە ەرەكشە نازار اۋدارىلادى. وسىلايشا، بيىل مايلى داقىلداردىڭ الاڭى 122,2 مىڭ گەكتارعا، كوكونىس داقىلدارىنىڭ - 10 مىڭ گەكتارعا، باقشا داقىلدارى - 1,5 مىڭ گەكتارعا، كارتوپ - 7,8 مىڭ گەكتارعا، ازىقتىق داقىلدار - 308,6 مىڭ گەكتارعا، قانت قىزىلشاسىنىڭ الاڭى 2,4 مىڭ گەكتارعا ۇلعايادى»، - دەدى س. وماروۆ.

ونىڭ سوزىنە قاراعاندا، ءداندى داقىلدار الاڭى 14,9 ميلليون گەكتاردى قۇرايدى، بۇل وتكەن جىلمەن سالىستىرعاندا 191,6 مىڭ گەكتارعا كەم.

«قازىرگى ۋاقىتتا اۋىل شارۋاشىلىعى داقىلدارىن ەگۋ رەسپۋبليكانىڭ بارلىق ايماقتارىندا جۇرگىزىلۋدە. اتاپ ايتقاندا، ءداندى جانە ءداندى- بۇرشاقتى داقىلدار 9,6 ميلليون گەكتارعا نەمەسە جوسپارلانعان الاڭنىڭ 65 پايىزىنا، مايلى داقىلدار 2,3 ميلليون گەكتارعا (%76)، كوكونىس- باقشا داقىلدارى مەن كارتوپ - 400 مىڭ گەكتارعا (%85)، قانت قىزىلشاسى 20,5 مىڭ گەكتارعا (%93)، ماقتا 118 مىڭ گەكتارعا (%100)، كوپجىلدىق شوپتەر 352 مىڭ گەكتارعا (%100) ەگىلدى. بۇل رەتتە، وڭتۇستىك وڭىردەگى وبلىستاردا، سونداي- اق اقتوبە، اتىراۋ وبلىستارىندا ەگىس جۇمىستارى اياقتالۋعا جاقىن»، - دەدى مينيستر.

قازگيدرومەتتىڭ بولجامىنا سايكەس، مامىردىڭ ءۇشىنشى ونكۇندىگى جاڭبىرلى بولادى دەپ كۇتىلۋدە. اسىرەسە، بۇل قوستاناي، باتىس قازاقستان، اقمولا، سولتۇستىك قازاقستان، شىعىس قازاقستان جانە پاۆلودار وبلىستارىنا قاتىستى.

«وسىعان بايلانىستى سەبۋدى وڭتايلى مەرزىمدە اياقتاۋ ءۇشىن ءاربىر جايماشۋاق كۇندى بارىنشا جەمىستى پايدالانۋ، تۇرىپ قالۋدى بولدىرماۋ جانە مۇمكىن بولعان جاعدايدا، اگرەگاتتاردىڭ ەكى اۋىسىمدىق جۇمىسىن ۇيىمداستىرۋ ارقىلى ونىمدىلىكتى ارتتىرۋ شارالارىن قابىلداۋ قاجەت» ، - دەدى س. وماروۆ.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات