قازاقستاندا 22-23 -شىلدە كۇندەرى جەل كۇشەيىپ، جاڭبىر جاۋادى

None
None
استانا. قازاقپارات - الداعى كۇندەرى قازاقستان اۋماعىنىڭ باسىم بولىگىندە اۋا رايى قۇبىلمالى بولادى، دەپ حابارلايدى قازاقپارات قازگيدرومەتكە سىلتەمە جاساپ.

كەي جەرلەردە نايزاعاي ويناپ، جاڭبىر جاۋادى، بۇرشاق جاۋۋى مۇمكىن، تەك رەسپۋبليكانىڭ وڭتۇستىگى مەن وڭتۇستىك- شىعىسىندا عانا كۇن جاۋىن- شاشىنسىز بولادى.

كەي جەرلەردە شاڭدى داۋىل تۇرىپ، سولتۇستىك جانە شىعىس وڭىرلەردە تۇندە جانە تاڭەرتەڭ تۇمان ءتۇسۋى ىقتيمال.

22-23 -شىلدە كۇندەرى جاۋىن- شاشىننىڭ سالدارىنان شىعىس قازاقستان وبلىسىنىڭ وزەندەرى ارناسىنان تاسۋى مۇمكىن.

سولتۇستىك قازاقستان وبلىسىندا كەي جەرلەردە تۇمان تۇسەدى، جەلدىڭ جىلدامدىعى تۇندە جانە كۇندىز 15-20 م/س بولادى، كەي جەرلەردە ەكپىنى سەكۋندىنا 25 مەترگە دەيىن جەتەدى، كۇندىز جەكەلەگەن اۋدانداردا داۋىل تۇرىپ، بۇرشاق جاۋۋى مۇمكىن.

اقمولا، پاۆلودار، قاراعاندى وبلىستارىنىڭ كەي اۋماقتارىندا جەلدىڭ جىلدامدىعى سەكۋندىنا 15-20 مەترگە دەيىن كۇشەيىپ، بۇرشاق جاۋۋى ىقتيمال.

شىعىس قازاقستان وبلىسىندا كەي جەرلەردە تۇندە جانە تاڭەرتەڭ تۇمان ءتۇسىپ، كۇندىز جەلدىڭ جىلدامدىعى 15-20 م/س بولادى.

الماتى، جامبىل، تۇركىستان وبلىستارىندا، كۇندىز قىزىلوردا وبلىسىندا جەلدىڭ جىلدامدىعى سەكۋندىنا 15-20 مەترگە دەيىن كۇشەيىپ، شاڭدى داۋىل تۇرادى.

باتىس قازاقستان وبلىسىنىڭ كەي جەرلەرىندە داۋىل سوعۋى مۇمكىن، جەلدىڭ جىلدامدىعى 15-20 م/س، بۇرشاق جاۋۋى ىقتيمال.

ماڭعىستاۋ، اتىراۋ وبلىستارىندا، كۇندىز اقتوبە وبلىسىنىڭ كەي جەرلەرىندە جەلدىڭ جىلدامدىعى 15-20 م/س- قا دەيىن جەتەدى.

قوستاناي وبلىسىنىڭ كەي اۋماقتارىنا تۇمان تۇسەدى، تۇندە كەي جەرلەردە، كۇندىز باسىم بولىگىندە جەلدىڭ جىلدامدىعى 15-20 م/س اينالاسىندا بولادى، كۇندىز داۋىل تۇرىپ، بۇرشاق جاۋۋى مۇمكىن.

الماتى، تۇركىستان، قىزىلوردا، ماڭعىستاۋ، اتىراۋ وبلىستارىندا، جامبىل، باتىس قازاقستان، اقتوبە، قاراعاندى وبلىستارىنىڭ كەي اۋماقتارىندا اپتاپ ىستىق بولادى.

ماڭعىستاۋ، قىزىلوردا، تۇركىستان، اتىراۋ وبلىستارىندا، باتىس قازاقستان، اقتوبە، قوستاناي، جامبىل، الماتى وبلىستارىنىڭ كەي جەرلەرىندە ءورت قاۋپى ساقتالادى.

سوڭعى جاڭالىقتار