ساۋد ارابياسىندا جۇلدە قورى 21 ميلليون دوللار بولعان تۇيەلەر جارىسى ءوتىپ جاتىر

استانا. قازاقپارات- ساۋد ارابياسىنىڭ سولتۇستىك- باتىسىندا تۇيە جارىس ءوتىپ جاتىر. جۇلدە قورى 21 ميلليون ا ق ش دوللارىنان اسادى. ساراپشىلار بۇل سايىس تاريحىنداعى ەڭ ۇلكەن سوما دەيدى.

دوداعا الەمنىڭ تۇكپىر- تۇكپىرىنەن ۇمىتكەرلەر جينالعان. جارىستان باسقا، ءتۇرلى مادەني ءىس- شارالار مەن كورمەلەر دە ۇيىمداستىرىلعان. كەيىنگى جىلدارى ساۋد ارابياسىنىڭ بيلىگى ەكونوميكانى ءارتاراپتاندىرىپ، سان الۋان تۋريستىك ءىس- شارالار وتكىزۋدى ادەتكە اينالدىرعان.

ەنناد ءال- بالاۋي، كورەرمەن:

- ءبىزدىڭ ايماقتا مۇنداي ءىرى جارىس بۇرىن- سوڭدى ءوتىپ كورمەگەن. وتە قوماقتى جۇلدەلەر تىگىلىپ وتىر. بۇل بىزگە ءبىر جاعىنان قىزىق، ەكىنشى جاعىنان زور ماقتانىش.

سۋيز بيتس، ا ق ش ازاماتى:

- ءبىز دە وسى جارىسقا ءوز تۇيەمىزدى اكەلدىك. ازىرگە بەسىنشى ورىندا كەلە جاتىر. ءبىرىنشى ورىن الامىز دەگەن ءۇمىتىمىز دە جوق ەمەس. جۇلدە قورىنىڭ جوعارى بولعانى وتە زاڭدى. ويتكەنى بۇل ەلدە تۇيە ەڭ ماڭىزدى جانۋار.

www.24.kz