17:47, 25 - مامىر 2022 | GMT +6
ريو دە جانەيرودا پوليتسيا وپەراتسياسىنان 21 ادام مەرت بولدى
نۇر- سۇلتان. قازاقپارات - برازيليانىڭ ريو دە جانەيرو قالاسىندا زاڭسىز ەسىرتكى اينالىمىمەن كۇرەس وپەراتسياسى بارىسىندا كەم دەگەندە 21 ادام مەرت بولىپ، 4 ەۋى جاراقات الدى، دەپ حابارلايدى قازاقپارات Xinhuanet.com سايتىنا سىلتەمە جاساپ.
وپەراتسيا ۆيلا- كرۋزەيرو شاعىن اۋدانىندا بولعان، مۇندا قالانىڭ ءىرى قىلمىستىق توبى قۇقىق قورعاۋ ورگاندارىنا قارۋلى قارسىلىق كورسەتكەن. سالدارىنان 11 قىلمىسكەردىڭ كوزى جويىلعان. ءبىر ايەلگە كەزدەيسوق وق تيگەن جانە 9 ءمايىت تانىلعان جوق. جەرگىلىكتى ەسىرتكى ساتۋشىلار پايدالانعان 11 مىلتىق، 4 تاپانشا جانە 1 گراناتا، سونداي- اق ۇلكەن كولەمدەگى ەسىرتكى قۇرالى، 10 اۆتوموبيل مەن 20 موتوتسيكل تاركىلەندى.
اۆتور: زارينا تۋعانبايەۆا