USD 422.01 EUR 452.06
RUB 6.75 CNY 62.72
جاڭالىقتار

«قازگيدرومەت» قاڭتاردىڭ 21-كۇنگى كۇن رايى بولجامىن جاريالادى

21 قاڭتار 09:30
:ءبولىسۋ
«قازگيدرومەت» قاڭتاردىڭ 21-كۇنگى كۇن رايى بولجامىن جاريالادى

نۇر- سۇلتان. قازاقپارات - «قازگيدرومەت» ر م ك- سى قاڭتاردىڭ 21-كۇنگى كۇن رايى بولجامىن جاريالادى، دەپ حابارلايدى قازاقپارات.

ق ر تەرريتورياسىنىڭ باسىم بولىگىنە انتيتسيكلون جوتاسى اسەر ەتەدى. سونىڭ سالدارىنان كۇن جاۋىن- شاشىنسىز بولادى. تەك ەلىمىزدىڭ باتىسى مەن وڭتۇستىگىندە اتموسفەرالىق فرونتالدى بولىكتەردىڭ اسەرىنەن كوبىنەسە قار، جاڭبىر جاۋادى، جەل كۇشەيىپ، جاياۋ بۇرقاسىن سوعادى، كوكتايعاق بولادى.

رەسپۋبليكا بويىنشا كەي جەرلەردە تۇمان تۇسەدى. جامبىل وبلىسىنىڭ سولتۇستىگى، تاۋلى جانە تاۋ بوكتەرلى اۋداندارىندا تۇمان ءتۇسىپ، وڭتۇستىك- باتىسى مەن سولتۇستىك- شىعىسىندا جەلدىڭ جىلدامدىعى سەكۋندىنا 15-20 مەترگە جەتەدى.

قىزىلوردا وبلىسىنىڭ ورتالىعىندا تاڭەرتەڭ جانە كۇندىز جەل 15-20 م/س جىلدامدىقپەن سوعادى. تۇركىستان وبلىسىنىڭ وڭتۇستىگى، باتىسى، تاۋلى جانە تاۋ بوكتەرلى اۋداندارىندا تۇمان ءتۇسىپ، سولتۇستىگى مەن تاۋلى اۋداندارىندا جەل سوعىپ، جىلدامدىعى سەكۋندىنا 15-20 مەترگە دەيىن جەتەدى.

تۇندە الماتى وبلىسىنىڭ سولتۇستىگى مەن تاۋلى اۋداندارىندا تۇمان ءتۇسىپ، كوكتايعاق بولادى. ماڭعىستاۋ وبلىسىنىڭ سولتۇستىگى مەن ورتالىعىندا كوكتايعاق بولىپ، سولتۇستىك- شىعىسىندا تۇمان تۇسەدى.

اقمولا وبلىسىنىڭ وڭتۇستىگى مەن شىعىسىندا، باتىس قازاقستان، اتىراۋ، پاۆلودار وبلىستارىنىڭ باتىسى مەن سولتۇستىگىندە، قوستاناي وبلىسىنىڭ سولتۇستىگى مەن شىعىسىندا، سولتۇستىك قازاقستان وبلىسىنىڭ وڭتۇستىگىندە، شىعىس قازاقستان وبلىسىنىڭ سولتۇستىگىندە تۇمان تۇسەدى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات