ق ر د س م: ۆاكسينانىڭ ەكىنشى كومپونەنتىن الۋ مۇمكىندىگى 21 كۇن
بۇل تۋرالى قازاقپارات ق ر دەنساۋلىق ساقتاۋ مينيسترلىگىنىڭ رەسمي سايتىنا سىلتەمە جاساپ حابارلايدى.
«باس سانيتارلىق دارىگەردىڭ قاۋلىسىندا ازاماتتاردىڭ ءوتىنىشى بويىنشا 21-90 كۇن ارالىعىندا ۆاكسينا الۋعا بولادى دەپ كورسەتىلگەن. ەكىنشى دوزانى ءبىرىنشى ۆاكسيناتسيا جۇرگىزىلگەن جەردەن الۋ قاجەت ەكەنىن اتاپ وتكەن ءجون. سونداي- اق، دەنساۋلىق ساقتاۋ مينيسترلىگى ۆاكسينانى جاساۋشىلاردان، ر ع ا اكادەميگى، گامالەيا ۇلتتىق ەپيدەميولوگيا جانە ميكروبيولوگيا عىلىمي- زەرتتەۋ ورتالىعىنىڭ ديرەكتورى الەكساندر گينتسبۋرگتەن دوزالار اراسىنداعى ارالىقتىڭ ۇلعايۋى يممۋندىق جاۋاپتىڭ كۇشىنە اسەر ەتپەيتىنىن جانە كەيبىر جاعدايلاردا يممۋنيتەتتىڭ جوعارى بەلسەندىلىگىنە اكەلەتىنى تۋرالى رەسمي حات العانىن ەسكە سالامىز»، - دەلىنگەن حابارلامادا.
وسىعان بايلانىستى «سپۋتنيك V» ەكىنشى كومپونەنتىمەن ۆاكسينالاۋ مەرزىمى ۇزارتىلدى. باس سانيتارلىق دارىگەردىڭ قاۋلىسىنا سايكەس ەكى دوزانىڭ اراسىنداعى ارالىق 21 دەن 45 كۇنگە دەيىن ۇلعايتىلدى، ال جالپى «سپۋتنيك V» ەكىنشى كومپونەنتىمەن 90 كۇن ىشىندە ۆاكسينالاۋعا رۇقسات.
«ارالىقتى ۇلعايتۋ حالىقتى يممۋنداۋ ءىسىن ايتارلىقتاي جەدەلدەتۋگە مۇمكىندىك بەرەدى، سەبەبى قازىرگى ۋاقىتتا مەديتسينا قىزمەتكەرلەرىنىڭ بارلىق كۇشتەرى ۆاكسينانىڭ ءبىرىنشى كومپونەنتىمەن قامتۋعا باعىتتالعان. ۆاكسينانىڭ ءبىرىنشى كومپونەنتىن ەنگىزۋ 12-14 كۇننەن كەيىن انتيدەنەلەر شىعارۋدى قامتاماسىز ەتۋگە جانە 3 اپتادان كەيىن يممۋنيتەت قالىپتاستىرۋعا مۇمكىندىك بەرەدى»، - دەپ اتاپ ءوتتى دەنساۋلىق ساقتاۋ ءمينيسترى الەكسەي سوي.
بۇل رەتتە، قاجەت بولعان جاعدايدا، قازاقستان ازاماتتارى ۆاكسينانىڭ ءبىرىنشى كومپونەنتىن العان جەرى بويىنشا ءوتىنىش بەرە الادى جانە 21-كۇنى ەكىنشى كومپونەنتتى الا الادى. ەستەرىڭىزگە سالا كەتەيىك، ك ۆ ي- عا قارسى ۆاكتسيناتسيا ەكى كەزەڭدە جۇرگىزىلەدى: الدىمەن I كومپونەنتپەن 0,5 م ل دوزادا، سودان كەيىن 45 كۇننەن كەيىن ۆاكسيناتسيا كۇنىن ەسەپتەمەگەندە - II كومپونەنتپەن 0,5 م ل دوزادا؛ بۇل رەتتە جەكەلەگەن جاعدايلاردا ۆاكسينالانۋشىنىڭ ءوتىنىشى نەگىزىندە II «گام- كوۆيد- ۆاك» كومپونەنتىمەن 21 كۇننەن 90 كۇنگە دەيىنگى كەزەڭدە ۆاكسيناتسيا جۇرگىزۋگەبولادى.
قازىرگى ۋاقىتتا ەلدىڭ مەديتسينا مەكەمەلەرىندە ك ۆ ي- عا قارسى ۆاكتسينا جەتكىلىكتى. بۇگىنگى تاڭدا «سپۋتنيك V» ۆاكسيناسىنىڭ ءبىرىنشى كومپونەنتى - شامامەن 200 مىڭ دوزا، ەكىنشى كومپونەنت - 220 مىڭ دوزادان استام. بۇدان باسقا، حالىقتى يممۋنداۋ ءۇشىن ب ا ءا «سينوفارم» كومپانياسىمەن بىرلەسىپ شىعارعان 28 مىڭنان استام دوزا وتاندىق «QazVac» ۆاكتسيناسى جانە 350 مىڭعا جۋىق دوزا «Hayat-Vax» ۆاكسيناسى بار.
وسى اپتادا 400 مىڭ دانا كولەمىندە ەكىنشى كومپونەنتتىڭ ۆاكسينالارى كەلەدى دەپ كۇتىلۋدە. كوروناۆيرۋس ينفەكسياسىنا قارسى ۆاكسينالارى ەلگە كەستەگە سايكەس جانە جەتكىلىكتى مولشەردە جەتكىزىلىپ جاتىر.