يندونەزيا جوعالعان سۇڭگۋىر قايىقتى ىزدەۋگە 21 كەمە جىبەردى

None
None
سينگاپۋر. قازاقپارات - يندونەزيالىق قۇتقارۋشىلار جۇما كۇنى بالي تەڭىزىندە جوعالىپ كەتكەن «نانگالا» سۇڭگۋىر قايىعىن ىزدەۋدى قايتا باستادى.

وپەراتسيا ايماعىندا بارلىعى 21 كەمە، سونىڭ ىشىندە تەرەڭدىكتى بارلايتىن تەڭىز اپپاراتتارى بار وكەانوگرافيالىق كەمە تارتىلدى، دەپ حابارلايدى قازاقپارات Kompas باسىلىمىنا سىلتەمە جاساپ.

بەيسەنبى كۇنى مالايزيا مەن سينگاپۋردان ىزدەستىرۋ ايماعىنا سۇڭگۋىر قايىقتاردى قولداۋ جانە قۇتقارۋ كەمەلەرى كەلدى. سينگاپۋردىڭ اسكەري- تەڭىز كۇشتەرى سەنبىدە يندونەزيانىڭ بالي ارالىنىڭ سولتۇستىك جاعالاۋىنا، ال مالايزياعا ءبىر كۇننەن كەيىن كەلەدى دەپ كۇتىلۋدە. پەنتاگون وكىلى دجون كيربي ا ق ش اۋە قۇرالدارىن كومەكتەسۋگە جىبەرەتىنىن ايتتى.

يندونەزيا اسكەري- تەڭىز كۇشتەرىنىڭ شتاب باستىعى ادميرال يۋدو مارگونونىڭ ايتۋىنشا، بورتتا وتتەگى سەنبى كۇنگى تاڭەرتەڭگە دەيىن جەتۋى مۇمكىن. الدىن الا ەسەپتەۋلەر بويىنشا، سارسەنبىدە جوعالعان سۇڭگۋىر قايىق بالي ارالىنىڭ سولتۇستىك جاعالاۋىنان شامامەن 90 ك م قاشىقتىقتا بولۋى ىقتيمال. بۇعان دەيىن يندونەزيا قورعانىس مينيسترلىگى سۋبمارينانىڭ جويىلۋ ايماعىندا ماي داقتارى پايدا بولعانىن حابارلادى. بورتىندا 53 ادام بار «نانگالا» ديزەلدى سۇڭگۋىر قايىعى بالي تەڭىزىندەگى تورپەدالىق ۇشىرۋلارعا قاتىسقان بولاتىن.

سوڭعى جاڭالىقتار